દક્ષિણ આફ્રિકાએ બાંગ્લાદેશ સામેની આગામી ODI શ્રેણી માટે તેની ટીમની જાહેરાત કરી છે. બંન્ને ટીમો વચ્ચે ત્રણ મેચની વનડે સિરીઝ રમાવાની છે.
દક્ષિણ આફ્રિકાએ આ શ્રેણી માટે તેની 16 સભ્યોની ટીમની જાહેરાત કરી છે. ટીમનું નેતૃત્વ ટેમ્બા બાવુમા કરશે. બંને ટીમો વચ્ચેની આ શ્રેણી 18 થી 23 માર્ચ સુધી રમાશે. ODI મેચ સેન્ચુરિયનના સુપરસ્પોર્ટ પાર્ક, વોર્ડ્સ અને જોહાનિસબર્ગ સ્ટેડિયમમાં રમાશે. આ પ્રવાસમાં બાંગ્લાદેશને ત્રણ વનડે ઉપરાંત બે મેચની ટેસ્ટ શ્રેણી રમવાની છે. 31 માર્ચથી ડરબન અને પોર્ટ એલિઝાબેથમાં ટેસ્ટ મેચ રમાશે.
દક્ષિણ આફ્રિકાએ આ વર્ષે જાન્યુઆરીમાં ભારત સામેની વનડે શ્રેણીમાં 3-0થી ક્લીન સ્વીપ કર્યું હતું અને તે જ ટીમને બાંગ્લાદેશ સામે પણ જાળવી રાખવામાં આવી છે. સાઉથ આફ્રિકાની ટીમ હાલમાં ICC વર્લ્ડ કપ સુપર લીગના પોઈન્ટ ટેબલમાં 10માં નંબર પર છે જ્યારે બાંગ્લાદેશની ટીમ ટોપ પર છે.
સિસાંડા મગાલા બાંગ્લાદેશ સામેની ODI શ્રેણી માટે ફિટનેસ ટેસ્ટ પાસ કરવામાં નિષ્ફળ ગયો અને તેથી તેને ધ્યાનમાં લેવામાં આવ્યો નથી જ્યારે એનરિક નોર્ટજે હજુ સુધી ઈજામાંથી સંપૂર્ણ સ્વસ્થ થયો નથી.
Temba Bavuma will lead a 1️⃣ 6️⃣-strong #Proteas squad for the 3️⃣ match #BetwayODISeries against Bangladesh. 🏏
📅 18-23 March
🏟️ SuperSport Park, Centurion | Imperial Wanderers, Johannesburg#SAvBAN #BePartOfIt pic.twitter.com/LpoN1mry0l— Cricket South Africa (@OfficialCSA) March 8, 2022
ODI શ્રેણી માટે દક્ષિણ આફ્રિકાની ટીમ: ટેમ્બા બાવુમા (કેપ્ટન), કેશવ મહારાજ, ક્વિન્ટન ડી કોક, ઝુબેર હમઝા, માર્કો જેન્સન, જાનેમન મલાન, એઈડન માર્કરામ, ડેવિડ મિલર, લુંગી એનગિડી, વેઈન પાર્નેલ, એન્ડીલે ફેહલુકવાયો, ડ્વેન પ્રિટોરિયસ, કાગીડા, સોન તબરેઝ શમ્સી, રાસી વાન ડેર ડુસેન, કાયલ વેરેન.