ઋષભ પંતનો શુક્રવારે કાર અકસ્માત થયો હતો. તે પોતાની માતાને મળવા માટે દિલ્હીથી રૂડકી સ્થિત તેના ઘરે જઈ રહ્યો હતો ત્યારે તેને અકસ્માત નડ્યો. તેની કાર દિલ્હી-દેહરાદૂન હાઈવે પર ડિવાઈડર પર ચઢી અને પછી પલટી ગઈ.
હાલમાં પંત દેહરાદૂનની મેક્સ હોસ્પિટલમાં દાખલ છે જ્યાં તેની સારવાર ચાલી રહી છે. દિલ્હી અને ડિસ્ટ્રિક્ટ ક્રિકેટ એસોસિએશન (DDCA)ની એક ટીમ શનિવારે પંતને મળી હતી. ડીડીસીએના ડિરેક્ટરે કહ્યું છે કે પંત હવે ઠીક છે.
પંતને પહેલા રૂરકીની સક્ષમ હોસ્પિટલમાં દાખલ કરવામાં આવ્યો હતો જ્યાંથી તેને દેહરાદૂન ખસેડવામાં આવ્યો હતો. પંતને માથા અને પગમાં ઈજા થઈ છે. તેને લિગામેન્ટ ફ્રેક્ચર પણ થયું છે. આવી સ્થિતિમાં, BCCI અને DDCA પણ તેના પર ચાંપતી નજર રાખી રહ્યા છે. BCCIએ દેહરાદૂનની હોસ્પિટલને કહ્યું છે કે પંતના અસ્થિબંધનની સારવાર બોર્ડની મેડિકલ ટીમ કરશે.
ડીડીસીએની એક ટીમ પંતને મળવા માટે સવારે રાષ્ટ્રીય રાજધાનીથી નીકળી હતી. ડીડીસીએના ડાયરેક્ટર શ્યામ શર્મા પણ આ ટીમમાં હતા. દેહરાદૂન છોડતા પહેલા તેણે કહ્યું હતું કે જરૂર પડ્યે પંતને એરલિફ્ટ પણ કરી શકાય છે. પંતને મળ્યા બાદ શ્યામે કહ્યું, ‘તે સ્થિર છે અને સ્વસ્થ થઈ રહ્યો છે. અમારા BCCI ડૉક્ટરો અહીંના ડૉક્ટરોના સંપર્કમાં છે. જય શાહ પરિસ્થિતિ પર નજર રાખી રહ્યા છે. અત્યારે તેને અહીં જ દાખલ કરવામાં આવશે.
બીજી તરફ દેહરાદૂનના SSP દલીપ સિંહ કુંવરે પણ પંત વિશે માહિતી શેર કરી અને જણાવ્યું કે પંતની હાલત સ્થિર છે અને તેને કોઈ ગંભીર ઈજા થઈ નથી. તેણે એમ પણ કહ્યું કે પંતને એરલિફ્ટ કરવાની જરૂર નથી.
He is stable & recovering well. Our BCCI doctors are in touch with the doctors here. Jay Shah is monitoring it. As of now, he'll remain admitted here. He told me that he tried to save (his car) from a pothole (when accident occurred): DDCA Director after meeting #RishabhPant pic.twitter.com/uWWWuLOlER
— ANI UP/Uttarakhand (@ANINewsUP) December 31, 2022