હાલમાં વર્ષ 2024 ચાલી રહ્યું છે અને ટીમોએ પોતપોતાની મેચ રમવાનું શરૂ કરી દીધું છે. આ વર્ષે T20 વર્લ્ડ કપ થવાનો છે, જે જૂનમાં યુએસએ અને વેસ્ટ ઈન્ડિઝમાં રમાશે.
આ દરમિયાન, ગયા વર્ષની એટલે કે 2023ની T20 ઇન્ટરનેશનલની સર્વશ્રેષ્ઠ ટીમની જાહેરાત કરવામાં આવી છે. ICC દ્વારા જાહેર કરાયેલા 11 ખેલાડીઓમાં દુનિયાભરના ખેલાડીઓની સાથે ભારતીય ટીમના ખેલાડીઓને પણ સ્થાન મળ્યું છે. ખાસ વાત એ છે કે ટીમ ઈન્ડિયાના સ્ટાર ખેલાડી સૂર્યકુમાર યાદવને તેનો કેપ્ટન બનાવવામાં આવ્યો છે.
ICC દ્વારા આ ટીમમાં જે 11 ખેલાડીઓનો સમાવેશ કરવામાં આવ્યો છે તેમાં પહેલું નામ ભારતના નવા સ્ટાર યશસ્વી જયસ્વાલનું છે. જયસ્વાલને ગયા વર્ષે જ T20 ઇન્ટરનેશનલમાં ડેબ્યૂ કરવાની તક મળી હતી. આ પછી તે સતત સારું પ્રદર્શન કરી રહ્યો છે. તેની સાથે બીજા ઓપનર તરીકે ઈંગ્લેન્ડના ફિલ સોલ્ટને સ્થાન આપવામાં આવ્યું છે. સોલ્ટે ગયા વર્ષે ટી-20માં શાનદાર પ્રદર્શન કર્યું હતું, હવે તેને આનો પુરસ્કાર મળતો હોય તેવું લાગી રહ્યું છે.
વેસ્ટ ઈન્ડિઝના સર્વશ્રેષ્ઠ ખેલાડીઓમાંથી એક નિકોલસ પૂરનને આઈસીસી ટીમમાં વિકેટકીપર બેટ્સમેન તરીકે જગ્યા આપવામાં આવી છે. ગયા વર્ષે ટી20 ઈન્ટરનેશનલમાં તેણે રમેલી 13 ઈનિંગ્સમાંથી માત્ર 3 વખત એવું બન્યું હતું કે તે બે આંકડા સુધી પહોંચી શક્યો ન હતો. ભારતના સૂર્યકુમાર યાદવને માત્ર ટીમમાં જ પસંદ કરવામાં આવ્યો નથી, પરંતુ તેને આ ટીમનો કેપ્ટન પણ બનાવવામાં આવ્યો છે. તે T20માં ICC રેન્કિંગમાં નંબર વન બેટ્સમેન પણ છે. વર્ષના અંતમાં તેને ટીમ ઈન્ડિયાની કેપ્ટનશીપની તક પણ મળી હતી.
ICC T20i team of the year:
Jaiswal, Salt, Pooran (WK), Suryakumar Yadav (C), Chapman, Sikandar Raza, Ramjani, Mark Adair, Bishnoi, Ngarava and Arshdeep Singh. pic.twitter.com/7RBR8J9aPo
— Mufaddal Vohra (@mufaddal_vohra) January 22, 2024
ન્યુઝીલેન્ડના માર્ક ચેપમેન, ઝિમ્બાબ્વેના સિકંદર રઝા, યુગાન્ડાના અલ્પેશ રમઝાની, આયર્લેન્ડના માર્ક અડાયર તો ટીમમાં છે જ પરંતુ ભારતીય સ્પિનર રવિ બિશ્નોઈ પણ આ ટીમમાં પોતાની જગ્યા બનાવવામાં સફળ રહ્યા છે. આ ટીમમાં ઝિમ્બાબ્વેના રિચર્ડ નગારાવા અને ભારતના ફાસ્ટ બોલર અર્શદીપ સિંહ પણ જોવા મળી રહ્યા છે.
India's white-ball dynamo headlines the ICC Men's T20I Team of the Year for 2023 🔥
Check out who made the final XI 👇https://t.co/QrQKGYbmu9
— ICC (@ICC) January 22, 2024