પંજાબ કિંગ્સે આગામી આઈપીએલ સીઝન માટે ટીમમાં બે ખેલાડીઓને જાળવી રાખ્યા છે અને તેમાંથી એક શશાંક સિંહે કહ્યું કે, તે 2025માં શાનદાર પ્રદર્શન કરીને ટીમના માલિકોને સાબિત કરશે કે તેમનો નિર્ણય સાચો હતો.
શશાંકે છેલ્લી સિઝનમાં પંજાબ કિંગ્સ માટે ઉત્તમ ‘ફિનિશર’ તરીકે શાનદાર પ્રદર્શન કર્યું હતું. તેણે 164.65ની સ્ટ્રાઈક રેટથી 354 રન બનાવ્યા અને તે ટીમનો ટોપ રન સ્કોરર હતો. શશાંક ‘અનકેપ્ડ’ ખેલાડી છે, મતલબ કે તે હજુ સુધી ભારત માટે રમ્યો નથી.
પંજાબ કિંગ્સે ટીમમાં ખેલાડીઓને જાળવી રાખવાની જાહેરાત કર્યા બાદ શશાંકે કહ્યું, “હું ફ્રેન્ચાઇઝીનો આભારી છું કારણ કે તેણે મને બીજી તક આપી છે અને મારામાં વિશ્વાસ દર્શાવ્યો છે. તેમણે મને જે તક આપી છે તેના માટે હું હંમેશા તેમનો આભારી રહીશ. હવે મારું કામ તેને સાચા સાબિત કરવાનું છે.”
ઈન્ડિયન પ્રીમિયર લીગ (આઈપીએલ) 2024 ની હરાજીમાં, પંજાબ કિંગ્સે ‘અનકેપ્ડ’ (જેણે આંતરરાષ્ટ્રીય ક્રિકેટ નથી રમ્યું) શશાંકને તેની ‘બેઝ પ્રાઈસ’ 20 લાખ રૂપિયામાં ખરીદ્યો હતો. પરંતુ પછી દાવો કર્યો કે તે એક ભૂલ હતી. ટીમે બાદમાં સ્પષ્ટતા કરી હતી કે હરાજીની યાદીમાં આ જ નામ સાથે અન્ય એક ખેલાડી હોવાને કારણે મૂંઝવણ ઊભી થઈ હતી.
છત્તીસગઢના આ ક્રિકેટરે ગુજરાત ટાઇટન્સના જોરદાર બોલિંગ આક્રમણ સામે માત્ર 29 બોલમાં અણનમ 61 રન બનાવીને ફરી પોતાની ક્ષમતાનું ઉદાહરણ રજૂ કર્યું.