ગુજરાત ટાઇટન્સ માત્ર બે સિઝનથી IPLમાં છે. પરંતુ આ ટીમનું પ્રદર્શન ઘણું સારું રહ્યું છે. તે 2022માં તેની પ્રથમ સિઝનમાં ચેમ્પિયન બની હતી અને બીજા વર્ષે ફાઇનલમાં પહોંચી હતી. પરંતુ છેલ્લા 2 બોલમાં મેચ બદલાઈ ગઈ અને હારી ગઈ હતી.
ટીમ ઈન્ડિયાના ભૂતપૂર્વ ઓપનર આકાશ ચોપરાનું માનવું છે કે આ વખતે IPL 2024માં ગુજરાત ટાઈટન્સની ટીમ જો તેના કેટલાક ખેલાડીઓ સારુ પ્રદર્શન કરવામાં સક્ષમ ન હોય તો તે નિષ્ફળ થઈ શકે છે.
ગુજરાતની ટીમે છેલ્લી બે સિઝનમાં શાનદાર પ્રદર્શન કર્યું છે. પરંતુ આ વખતે તેને અનેક પડકારોનો સામનો કરવો પડી શકે છે. કેપ્ટન હાર્દિક પંડ્યા મુંબઈ ઈન્ડિયન્સની ટીમ સાથે જોડાઈ ગયો છે અને ગત સિઝનમાં સૌથી વધુ વિકેટ લેનાર મોહમ્મદ શમી પણ ઈજાના કારણે સિઝનમાંથી બહાર છે.
તેની યુટ્યુબ ચેનલ પર ચોપરાએ કહ્યું કે જો તેના તમામ ખેલાડીઓ સારા ફોર્મમાં નહીં હોય તો આ સિઝનમાં ગુજરાતના પ્રદર્શનને અસર થઈ શકે છે. ચોપરાએ કહ્યું, ‘જેમ કે આપણે કહીએ છીએ કે પાંચ આંગળીઓ એકસાથે જોડાઈને મુઠ્ઠી બનાવે છે, તેથી દરેક માટે સારા ફોર્મમાં હોવું જરૂરી છે. કારણ કે જો બે ખેલાડી પણ પોતાની શ્રેષ્ઠ રમત ન બતાવી શકે તો તેમની ટીમ પડી શકે છે. તેથી આ એક મોટી ખામી છે.
ચોપરાએ કહ્યું, ‘તે પણ એક મોટો પ્રશ્ન છે કે શું ટીમ પ્લેઇંગ ઇલેવનમાં ચાર વિદેશી ખેલાડીઓને સ્થાન આપી શકશે. તે ટીમનું સંતુલન કેવી રીતે જાળવશે કારણ કે સત્ય એ છે કે બેટ્સમેન હાર્દિક પંડ્યા ગયો છે. બોલર તરીકે તમે તેને થોડી ભરપાઈ કરશો પરંતુ મધ્યમ ક્રમનો બેટ્સમેન ગયો છે.