IPL 2023 ની 43મી મેચ લખનૌ સુપર જાયન્ટ્સ અને રોયલ ચેલેન્જર્સ બેંગ્લોર વચ્ચે ભારત રત્ન શ્રી અટલ બિહારી વાજપેયી એકના ક્રિકેટ સ્ટેડિયમમાં રમાઈ રહી છે. આ મેચમાં એલએસજીના સ્પિનર અમિત મિશ્રાએ એક મોટો રેકોર્ડ પોતાના નામે કરી લીધો છે.
40 વર્ષીય સ્પિનર હવે IPLના ઈતિહાસમાં સૌથી વધુ વિકેટ લેનારા બોલરોની યાદીમાં ટોપ-3માં પહોંચી ગયો છે. અમિત મિશ્રાએ આજની મેચમાં વિકેટ લઈને શ્રીલંકાના દિગ્ગજ બોલર લસિથ મલિંગાનો રેકોર્ડ તોડ્યો હતો.
RCB સામેની મેચમાં સુયશ પ્રભુદેસાઈની વિકેટ લઈને અમિત મિશ્રા IPLના ઈતિહાસમાં ત્રીજા સૌથી વધુ વિકેટ લેનાર બોલર બની ગયો છે. પ્રભુદેસાઈ બાદ મિશ્રાએ ફાફ ડુપ્લેસીને પણ પેવેલિયનનો રસ્તો બતાવ્યો હતો. આ સાથે તેના નામે આ રંગીન લીગમાં હવે 172 વિકેટ થઈ ગઈ છે. આ યાદીમાં તેણે લસિથ મલિંગા, અમિત મિશ્રા અને પીયૂષ ચાવલાને પાછળ છોડી દીધા છે, જેમના નામે 170-170 વિકેટ છે.
તમને જણાવી દઈએ કે, IPLના ઈતિહાસમાં સૌથી વધુ વિકેટ લેવાનો રેકોર્ડ ડ્વેન બ્રાવોના નામે છે. તેણે તેની IPL કારકિર્દીમાં કુલ 183 વિકેટ લીધી હતી. બીજી તરફ રાજસ્થાન રોયલ્સના સ્પિનર યુઝવેન્દ્ર ચહલ 178 વિકેટ સાથે આ યાદીમાં બીજા સ્થાને છે.
IPLમાં સૌથી વધુ વિકેટ લેનાર બોલર:
ડ્વેન બ્રાવો – 183
યુઝવેન્દ્ર ચહલ – 178
અમિત મિશ્રા – 172*
લસિથ મલિંગા – 170
પિયુષ ચાવલા – 170
આર અશ્વિન – 170
ભુવનેશ્વર કુમાર – 161