કદાચ ટીમને લાગે છે કે આ સમયગાળા દરમિયાન મેક્સવેલ તેના શ્રેષ્ઠ ફોર્મમાં છે…
ઇંગ્લેન્ડના ભૂતપૂર્વ કેપ્ટન માઇકલ વોને ઓસ્ટ્રેલિયાના ઓલરાઉન્ડર ગ્લેન મેક્સવેલની પ્રશંસા કરતાં કહ્યું છે કે હાલમાં તે જે પણ ફોર્મમાં ચાલી રહ્યો છે તે જોઈને તેને કોઈ પણ ટીમમાં સામેલ કરવા માંગશે.
મેક્સવેલ ભારત સામેની ત્રણ મેચની વનડે સિરીઝમાં શાનદાર દેખાવ કર્યો છે. તેણે ત્રણ વનડેમાં અનુક્રમે 45 અણનમ, 63 અને 59 રન બનાવ્યા હતા. મેક્સવેલે ત્રણ મેચની શ્રેણીમાં 195 ના સ્ટ્રાઇક રેટથી 167 રન બનાવ્યા હતા.
વોને કહ્યું, ‘મને નથી લાગતું કે વિશ્વમાં કોઈ મર્યાદિત ઓવરની ટીમ હશે જે તેમની ટીમમાં મેક્સવેલને પસંદ ન કરે. મને વિશ્વાસ છે કે આગામી આઈપીએલ હરાજીમાં ઘણી ટીમો મેક્સવેલને ખરીદવાનો પ્રયત્ન કરશે.
તેણે કહ્યું, ‘ઓસ્ટ્રેલિયાએ મેક્સવેલને સાતમા ક્રમે મૂક્યો છે, જે તેમના માટે યોગ્ય છે અને મને નથી લાગતું કે તે તેને તે સ્થાનથી દૂર કરશે. મારું માનવું છે કે ઓસ્ટ્રેલિયાએ છેલ્લી 15 ઓવરમાં મેક્સવેલની ભૂમિકા નિશ્ચિત કરી હતી. કદાચ ટીમને લાગે છે કે આ સમયગાળા દરમિયાન મેક્સવેલ તેના શ્રેષ્ઠ ફોર્મમાં છે.