IPL 2023માં રાજસ્થાન રોયલ્સને મોટો ઝટકો લાગ્યો છે. તેનો સ્ટાર બેટ્સમેન જોસ બટલર ટીમની આગામી મેચમાંથી બહાર થઈ શકે છે. પંજાબ કિંગ્સ સામે બુધવારે રમાયેલી મેચ દરમિયાન બટલરને ઈજા થઈ હતી.
પંજાબના ઓપનર પ્રભસિમરન સિંહનો કેચ પકડતી વખતે તેની આંગળીમાં ઈજા થઈ હતી. જેના કારણે તે ઇનિંગ્સની શરૂઆત કરવા માટે પણ નીચે ઉતર્યો ન હતો.
રાજસ્થાન રોયલ્સના કેપ્ટન સંજુ સેમસને આ અંગે ટિપ્પણી કરી હતી. સેમસને કહ્યું, ‘જોસ ફિટ નહોતો. કેચ બાદ તેની આંગળીમાં ટાંકા આવ્યા હતા. સેમસનને પૂછવામાં આવ્યું કે તેણે શા માટે યુવા બેટ્સમેન દેવદત્ત પડિકલ સાથે ઇનિંગની શરૂઆત ન કરી. આના પર તેણે કહ્યું, ‘પડીક્કલ સાથે ઈનિંગની શરૂઆત ન કરવા અંગેનો વિચાર એ હતો કે તેમની પાસે બે સ્પિનર છે, એક ડાબોડી અને એક લેગ સ્પિનર. અમે મધ્ય ઓવરોમાં આ ડાબોડી બેટ્સમેન ઈચ્છતા હતા.
તેણે જુરેલની ઉગ્રતાથી પ્રશંસા કરી. સેમસને કહ્યું, ‘તે છેલ્લા બે સિઝનથી અમારી સાથે છે. અમે બધા ખરેખર ખુશ છીએ. જ્યારે તમે આઈપીએલમાં આવો છો, આઈપીએલ શરૂ થાય તે પહેલા એક અઠવાડિયાનો કેમ્પ હોય છે પરંતુ આ લોકોએ હજારો બોલનો સામનો કરીને અમારી એકેડમીમાં પાંચ અઠવાડિયા સુધી કામ કર્યું. અમે ખુશ છીએ કે અમારી ટીમમાં એવા બેટ્સમેન છે.
રાજસ્થાન રોયલ્સનો આગામી મુકાબલો બેંગલુરુમાં 8મી એપ્રિલે રોયલ ચેલેન્જર્સ બેંગ્લોર સામે થશે.