CSKvsSRH: હૈદરાબાદ સામે ડેબ્યૂ કરનાર બોલર સિમરજીત સિંહ કોણ છે?

ઈન્ડિયન પ્રીમિયર લીગની 46મી મેચમાં નવા કેપ્ટન ધોનીના નેતૃત્વમાં ચેન્નાઈની ટીમની જાહેરાત થતાં જ ટીમમાં એક નામ ચોંકાવનારું હતું.

હકીકતમાં આ મેચમાં બ્રાવોના બદલે ટીમે સિમરનજીત સિંહને તક આપી હતી. બ્રાવો આ સિઝનમાં ચેન્નાઈ માટે સૌથી સફળ બોલર રહ્યો છે. તેણે 8 મેચમાં 8.73ના ઈકોનોમી રેટથી 14 વિકેટ લીધી છે.

બ્રાવોના સ્થાને હૈદરાબાદ સામે ડેબ્યૂ કરનાર સિમરનજીત સિંહ મધ્યમ ગતિનો ઝડપી બોલર છે. ડોમેસ્ટિક ક્રિકેટની વાત કરીએ તો તે દિલ્હીની ટીમ તરફથી રમે છે. તેની T20 કારકિર્દી વિશે વાત કરીએ તો, તેણે 20 T20 મેચ રમી છે જેમાં તેણે 20.33ની એવરેજ, 7.43ની ઇકોનોમી રેટ અને 16.3ની સ્ટ્રાઇક રેટથી 24 વિકેટ લીધી છે.

સિમરજીત સિંહ પ્રથમ વખત ભારતીય ટીમના શ્રીલંકા પ્રવાસ દરમિયાન ચર્ચામાં આવ્યા હતા. વાસ્તવમાં, જ્યારે ભારતીય ટીમ ગયા વર્ષે શ્રીલંકાના પ્રવાસે ગઈ હતી, ત્યારે સિમરજીત સિંહ પણ ટીમનો સાથ આપનારા પાંચ નેટ બોલરોમાંથી એક હતો.

હૈદરાબાદ સામે ચેન્નાઈ તરફથી આઈપીએલમાં પદાર્પણ કરનાર સિમરજીત સિંહ માટે આઈપીએલમાં આ બીજું વર્ષ છે. અગાઉ, 2021 IPLના બીજા તબક્કામાં, તેને મુંબઈ ઈન્ડિયન્સ દ્વારા સચિનના પુત્ર અર્જુન તેંડુલકરના સ્થાને સામેલ કરવામાં આવ્યો હતો. પરંતુ તેને ત્યાં એક પણ મેચ રમવાની તક મળી ન હતી.

ફેબ્રુઆરીમાં યોજાયેલી મેગા હરાજીમાં ચેન્નાઈની ટીમે તેના પર વિશ્વાસ દર્શાવ્યો હતો અને 24 વર્ષીય બોલરને 20 લાખની મૂળ કિંમતે ટીમમાં સામેલ કરવામાં આવ્યો હતો.