ઈન્ડિયન પ્રીમિયર લીગની 15મી સીઝનની 41મી મેચમાં કોલકાતા નાઈટ રાઈડર્સનો મુકાબલો દિલ્હી કેપિટલ્સ સામે થવા જઈ રહ્યો છે. બંને ટીમો મુંબઈના વાનખેડે સ્ટેડિયમમાં આ સિઝનમાં બીજી વખત આમને-સામને થશે.
છેલ્લી મેચમાં દિલ્હીએ 44 રને મોટી જીત હાંસલ કરી હતી. આજની મેચમાં ટીમનો ઈરાદો આ હારનો બદલો લેવાનો અને જીતના પાટા પર પાછા ફરવાનો રહેશે. કોલકાતાની ટીમ સતત ચાર મેચ હારી છે. દિલ્હી સાત મેચમાંથી ત્રણ જીત સાથે પોઈન્ટ ટેબલ પર સાતમા સ્થાને છે, જ્યારે કેકેઆર તેની છેલ્લી ચાર મેચ હારી છે અને તે આઠમા સ્થાને છે.
કોલકાતાની ટીમ આ સિઝનમાં ઓપનિંગ જોડી સાથે સતત પ્રયોગ કરી રહી છે. અજિંક્ય રહાણે, એરોન ફિન્ચ, વેંકટેશ અય્યર, સુનીલ નારાયણ અને સેમ બિલિંગ્સને ટીમ દ્વારા અજમાવવામાં આવ્યા છે. સારી શરૂઆત માટે કોલકાતાએ સ્થિર જોડી સાથે જવું પડશે.
સુકાની શ્રેયસ અય્યર મિડલ ઓર્ડરમાં વધુ સારી રમત બતાવી રહ્યો છે પરંતુ તે સાથી ખેલાડીઓ નીતિશ રાણા, રિંકુ સિંહ અને વેન્તેશ ઐયર પાસેથી વધુ સારા પ્રદર્શનની અપેક્ષા રાખશે. આ ખેલાડીઓએ જવાબદારી લેવી પડશે. આન્દ્રે રસેલ નીચલા ક્રમમાં તેની કુદરતી રમત બતાવી રહ્યો છે પરંતુ અહીં પણ તેને બીજા છેડે સપોર્ટની જરૂર છે.
ઉમેશ યાદવે ટીમ માટે સતત સારી બોલિંગ કરી છે પરંતુ આ સિવાય તેને બીજા છેડેથી સમાન સમર્થન મળી શક્યું નથી. શરૂઆતની ઓવર અને છેલ્લી ઓવરમાં ટીમે જીત મેળવવા માટે વધુ સારી બોલિંગ કરવી પડશે. પેટ કમિન્સ, સુનીલ નારાયણ અને વરુણ ચક્રવર્તી પર ઘણું નિર્ભર રહેશે.
કોલકાતાની સંભવિત પ્લેઇંગ ઇલેવન:
વેંકટેશ ઐયર, સેમ બિલિંગ્સ/એરોન ફિન્ચ, શ્રેયસ ઐયર (કેપ્ટન), નીતિશ રાણા, રિંકુ સિંઘ/શેલ્ડન જેક્સન, આન્દ્રે રસેલ, સુનીલ નારાયણ, શિવમ માવી, ઉમેશ યાદવ, ટિમ સાઉથી/પેટ કમિન્સ, વરુણ ચક્રવર્તી.