દિલ્હી કેપિટલ્સ પાસે ઘણા અનુભવી ખેલાડીઓ હોવા છતાં, ટીમનું પ્રદર્શન સામાન્ય હતું. સૌરવ ગાંગુલી અને રિકી પોન્ટિંગ જેવા દિગ્ગજ ખેલાડીઓ હોવા છતાં ટીમના ખેલાડીઓ પોતાની છાપ છોડવામાં નિષ્ફળ રહ્યા હતા. દિલ્હીએ આગામી સિઝન માટે પ્લાનિંગ શરૂ કરી દીધું હશે. મજબૂત ટીમ અને ઉત્તમ કોચિંગ સ્ટાફ હોવા છતાં, દિલ્હી 14 મેચમાં માત્ર પાંચ જ જીત મેળવી શક્યું.
મનીષ પાંડે:
IPLમાં સદી ફટકારનાર પ્રથમ ભારતીય મનીષ પાંડેને દિલ્હીની ટીમ બહારનો રસ્તો બતાવી શકે છે. મિની ઓક્શનમાં દિલ્હીએ મનીષને 2.40 કરોડ રૂપિયામાં ખરીદ્યો હતો. મનીષ પાંડે ઘણી મેચોમાં ટીમને ખરાબ સ્થિતિમાં છોડીને આઉટ થયો છે. તે ટીમ માટે એક પણ મોટી ઇનિંગ્સ રમી શક્યો નહોતો.
સાકરિયા:
રાજસ્થાન રોયલ્સ માટે સારું પ્રદર્શન કરનાર ચેતન સાકરિયા માટે દિલ્હીની ટીમ અત્યાર સુધી નસીબદાર રહી નથી. તે બોલિંગમાં ઘણો મોંઘો રહ્યો છે, જેના કારણે તેને મોટાભાગની મેચોમાં ટીમની બહાર બેસવું પડ્યું છે. દિલ્હીએ ગત સિઝનની હરાજીમાં સાકરિયાને 4.20 કરોડ રૂપિયામાં ખરીદ્યો હતો.
મુસ્તાફિઝુર રહેમાન:
બાંગ્લાદેશના 2 કરોડ લેફ્ટ આર્મ ફાસ્ટ બોલર મુસ્તાફિઝુર રહેમાનનું નામ પણ સામેલ છે. ડેથ સ્પેશિયાલિસ્ટનો ટેગ મેળવનાર મુસ્તાફિઝુર રહેમાનનું પ્રદર્શન સામાન્ય રહ્યું છે. આવી સ્થિતિમાં દિલ્હીની ટીમ મુસ્તફિઝુર રહેમાનને પણ બહાર કરી શકે છે. આ સિવાય દિલ્હીની ટીમ પ્રિયમ ગર્ગ, રિપ્તલ પટેલ, લલિત યાદવ અને પ્રવીણ દુબે જેવા ખેલાડીઓ વિશે પણ વિચારી શકે છે.