ઓસ્ટ્રેલિયાના ભૂતપૂર્વ ઓલરાઉન્ડર શેન વોટસને મંગળવારે પુષ્ટિ કરી કે તે 2022 ઈન્ડિયન પ્રીમિયર લીગ માટે સહાયક કોચ તરીકે દિલ્હી કેપિટલ્સમાં જોડાશે.
વોટસને સોશિયલ મીડિયા પર જઈને કહ્યું કે તે IPL 2022 પહેલા દિલ્હી કેપિટલ્સમાં જોડાઈ જશે. શેન વોટસન સાથે તેનો ભૂતપૂર્વ સાથી રિકી પોન્ટિંગ જોડાશે જે દિલ્હી ફ્રેન્ચાઇઝીના મુખ્ય કોચ તરીકે ચાલુ રહેશે. વોટસને એક વિડિયો સંદેશમાં કહ્યું કે તે કોચિંગમાં એક નવો અધ્યાય શરૂ કરવા માટે ઉત્સાહિત છે અને પોન્ટિંગ પાસેથી શીખવાથી વધુ સારી તક ન મળી શકે.
શેન વોટસને તેની ઇન્સ્ટાગ્રામ પોસ્ટમાં કહ્યું કે હું આ સમાચાર શેર કરવા માટે ખૂબ જ ઉત્સાહિત છું કે હું દિલ્હી કેપિટલ્સ ટીમ સાથે આસિસ્ટન્ટ કોચ તરીકે મારી ભૂમિકા શરૂ કરવા માટે ભારત જઈ રહ્યો છું. હું મારા ભૂતપૂર્વ સાથી રિકી પોન્ટિંગ સાથે ચેન્જ રૂમમાં પાછા ફરવાની રાહ જોઈ શકતો નથી.