મહેન્દ્રસિંહ ધોનીએ હાર બાદ પંડ્યા બ્રધર્સને આ ખાસ ભેટ આપી

બોલ્ટ અને બુમરાહના આધારે મુંબઈ ઈન્ડિયન્સે સીએસીને નવ વિકેટ પર 114 રનમાં રોકી હતી…

ઇન્ડિયન પ્રીમિયર લીગ મેચમાં મુંબઇ ઇન્ડિયન્સે ચેન્નાઈ સુપર કિંગ્સને 10 વિકેટથી હરાવી હતી. ઝડપી બોલરો ટ્રેન્ટ બોલ્ટ અને જસપ્રિત બુમરાહના આધારે મુંબઈ ઈન્ડિયન્સે સીએસીને નવ વિકેટ પર 114 રનમાં રોકી હતી. ટોસ હાર્યા બાદ ચેન્નઈ પ્રથમ બેટિંગ કરવા આવી હતી અને તેણે પાવરપ્લેની અંદર પાંચ વિકેટ ગુમાવી દીધી હતી.

તેમાંથી બોલ્ટે ત્રણ અને બુમરાહે બે વિકેટ લીધી હતી. મહેન્દ્રસિંહ ધોનીની ટીમ પ્રારંભિક આંચકો પર કાબુ મેળવી શકી નથી. આ પછી, મુંબઈ ઈન્ડિયન્સે લક્ષ્યને 12.2 ઓવરમાં કોઈ પણ વિકેટ ગુમાવ્યા વિના હાંસલ કર્યું હતું.

ક્વિન્ટન ને 37 બોલમાં પાંચ ચોગ્ગા અને બે છગ્ગાની મદદથી 46 રન બનાવ્યા, જ્યારે ઇશાન કિશને 37 દડામાં 68 રન જોડ્યા, જેમાં પાંચ છગ્ગા અને છ ચોગ્ગા સામેલ હતા. આ મેચ બાદ હાર્દિક પંડ્યા અને કૃણાલ પંડ્યાને મહેન્દ્રસિંહ ધોની તરફથી ખાસ ગિફ્ટ મળી હતી.

ઈન્ડિયન પ્રીમિયર લીગના સત્તાવાર ટ્વિટર હેન્ડલ પરથી હાર્દિક પંડ્યા અને કૃણાલ પંડ્યાની આ ભેટની તસવીર શેર કરવામાં આવી છે. ખરેખર, મેચ પછી ધોનીએ તેની સીએસકેની જર્સી પંડ્યા બ્રધર્સને ભેટ તરીકે આપી છે.