ધોનીએ દીપક ચહરને માર્યો થપ્પડ? વીડિયોમાં કેદ થઈ માહીની મસ્તી

IPL 2023ની 55મી મેચ MA ચિદમ્બરમ સ્ટેડિયમ ખાતે ચેન્નાઈ સુપર કિંગ્સ અને દિલ્હી કેપિટલ્સ વચ્ચે રમાઈ હતી. આ મેચમાં CSKએ 27 રનથી જીત મેળવીને પ્લેઓફની નજીક વધુ એક પગલું ભર્યું હતું.

આ મેચનો એક વીડિયો સોશિયલ મીડિયા પર વાયરલ થઈ રહ્યો છે જેમાં એમએસ ધોની દીપક ચહરને થપ્પડ મારતા જોવા મળી રહ્યો છે. ચાહકોને આ વીડિયો ખૂબ જ પસંદ આવી રહ્યો છે. મેચની વાત કરીએ તો, ટોસ જીતીને પ્રથમ બેટિંગ કરવાનું પસંદ કર્યા પછી, CSK ટીમે દિલ્હી સામે 168 રનનો લક્ષ્યાંક રાખ્યો હતો, આ સ્કોરથી આગળ, DC નિર્ધારિત 20 ઓવરમાં માત્ર 140 રન જ બનાવી શકી હતી.

વાયરલ વીડિયોની વાત કરીએ તો આ વીડિયો ટોસ પછીનો છે. દિલ્હી કેપિટલ્સ સામે ટોસ જીતીને જેમ જ ધોની પોતાની ટીમમાં પરત ફરી રહ્યો હતો ત્યારે દીપક ચહર તેની ટીમના એક વિકેટ કીપર સાથે વાતચીત કરતો જોવા મળ્યો હતો. આ દરમિયાન ધોનીએ તેને ડરાવવા માટે તેને થપ્પડ મારવાની કોશિશ કરી હતી. જોકે ધોનીનો હાથ ચાહરથી થોડે દૂર હતો, પરંતુ તે ભારતીય બોલર ધોનીના આ કૃત્યથી ડરી ગયો હતો. ચાહકો આ ઘટનાના વીડિયોને ખૂબ એન્જોય કરી રહ્યા છે.