કોલકાતા નાઈટ રાઈડર્સને અચાનક મોટો ફટકો પડ્યો છે. ખરેખર, IPL ટૂર્નામેન્ટની વચ્ચે, KKR ટીમનો મજબૂત ઓપનિંગ બેટ્સમેન રહેમાનુલ્લાહ ગુરબાઝ પોતાના દેશ એટલે કે અફઘાનિસ્તાન પરત ફર્યો છે. મીડિયા રિપોર્ટ્સ અનુસાર, ગુરબાઝની માતાની તબિયત સારી નથી જેના કારણે તે ઘરે પરત ફર્યો છે.
અહેવાલો અનુસાર, ગુરબાઝ આવતા અઠવાડિયે ભારત પરત ફરશે અને ત્યારબાદ KKR માટે મેચ રમવા માટે ઉપલબ્ધ થશે. જોકે, આ દરમિયાન કોલકાતા નાઈટ રાઈડર્સે ટુર્નામેન્ટની તેમની બે મેચ રમવાની છે જે મુંબઈ ઈન્ડિયન્સ અને લખનૌ સુપર જાયન્ટ્સ સાથે હશે. આવી સ્થિતિમાં, તે સ્પષ્ટ છે કે ગુરબાઝ બે મેચ માટે અનુપલબ્ધ રહેશે.
જોકે આનાથી ટીમની પ્લેઈંગ ઈલેવનમાં કોઈ ફરક પડશે નહીં. તમને જણાવી દઈએ કે અત્યાર સુધી સુનીલ નારાયણ અને ફિલ સોલ્ટ IPL 2024માં KKR માટે ઓપનિંગ કરી ચૂક્યા છે, જે ખૂબ જ સફળ રહ્યા છે. બીજી તરફ વિકેટકીપર બેટ્સમેન રહેમાનુલ્લા ગુરબાઝને એકપણ મેચ રમવાની તક મળી નથી.
જો ગુરબાઝના IPL પ્રદર્શનની વાત કરીએ તો અત્યાર સુધી આ અફઘાન ખેલાડીએ IPLમાં 11 મેચ રમી છે જેમાં તેણે 133ના સ્ટ્રાઈક રેટથી 227 રન બનાવ્યા છે.
ગુરબાઝે ગત સિઝનમાં જ આઈપીએલમાં ડેબ્યૂ કર્યું હતું અને તે સતત KKR માટે ઓપનિંગ કરી રહ્યો હતો, પરંતુ આ સિઝનમાં તેને આ તક મળી નથી. એ પણ જાણી લો કે ગુરબાઝે 166 ટી20 મેચમાં 3985 રન બનાવ્યા છે અને ઝડપી ફોર્મેટમાં તેના નામે 2 સદી અને 25 અડધી સદી છે.
🚨📰| Rahmanullah Gurbaz has flown to Kabul due to his mother's ailing health. He is expected to come back next week.
(Revsportz) pic.twitter.com/ZXlDS8Qi14
— KnightRidersXtra (@KRxtra) May 2, 2024