ઈન્ડિયન પ્રીમિયર લીગ (IPL) 2023 સીઝનની બીજી મેચમાં, પંજાબ કિંગ્સ (PBKS) ટીમનો મુકાબલો મોહાલીના મેદાન પર કોલકાતા નાઈટ રાઈડર્સ (KKR) ટીમ સામે થયો હતો.
આ મેચમાં પંજાબ કિંગ્સ ટીમના ઝિમ્બાબ્વે ક્રિકેટ ટીમના ખેલાડી સિકંદર રઝાને આઈપીએલમાં ડેબ્યૂ કરવાની તક મળી. આ સાથે સિકંદર રઝા IPLમાં રમનાર ઝિમ્બાબ્વેનો ત્રીજો ખેલાડી બની ગયો છે.
36 વર્ષીય સિકંદર રઝાનો જન્મ પાકિસ્તાનના સિયાલકોટમાં થયો હતો, ત્યારબાદ તેણે ક્રિકેટમાં કારકિર્દી બનાવવા માટે ઝિમ્બાબ્વેમાં સ્થાયી થવાનું નક્કી કર્યું. સિકંદર તેની પ્રથમ IPL મેચમાં બેટ વડે 16 રન બનાવવામાં સફળ રહ્યો હતો, જેમાં તેણે તેની વિકેટ સુનીલ નારાયણને આપી હતી.
સિકંદરે બોલિંગમાં પણ મહત્વની ભૂમિકા ભજવી હતી, તેણે પંજાબ કિંગ્સ માટે નિર્ણાયક સમયે 3 ઓવરમાં 25 રન આપીને KKR ટીમના કેપ્ટન નીતિશ રાણાને પણ પોતાનો શિકાર બનાવ્યો હતો. આ મેચમાં વરસાદને કારણે ડકવર્થ લુઈસ નિયમ મુજબ પરિણામ આપવામાં આવ્યું હતું, જેમાં પંજાબ કિંગ્સની ટીમને 7 રનથી વિજેતા જાહેર કરવામાં આવી હતી.
આઈપીએલમાં સિકંદર રઝા પહેલા, તટેન્ડા તૈબુ 2008ની સિઝનમાં કોલકાતા નાઈટ રાઈડર્સની ટીમમાં ઝિમ્બાબ્વે તરફથી રમ્યા હતો અને તે પછી રેમન્ડ પ્રાઇસને 2011ની સિઝનમાં મુંબઈ ઈન્ડિયન્સ તરફથી રમવાની તક મળી હતી. આ સિઝનમાં પંજાબ કિંગ્સની ટીમે સિકંદર રઝાને પોતાની ટીમમાં સામેલ કરવા માટે 50 લાખ રૂપિયા ખર્ચ્યા હતા.
💥💥💥💥
Sadde bowlers are shining at Sadda Akhada! ✨#PBKSvKKR #JazbaHaiPunjabi #SaddaPunjab #TATAIPL pic.twitter.com/wHrFy0Qjjt
— Punjab Kings (@PunjabKingsIPL) April 1, 2023