IPL 2022 પહેલા યોજાનારી મેગા ઓક્શનને લઈને એક મોટું અપડેટ સામે આવી રહ્યું છે, જ્યાં તેની તારીખોમાં ફેરફારની વાત સામે આવી રહી છે. અત્યાર સુધી BCCI અને IPL ગવર્નિંગ કાઉન્સિલ આવતા મહિનાના પહેલા સપ્તાહમાં IPL 2022 ની હરાજી યોજવાનું આયોજન કરી રહ્યા હતા પરંતુ હવે તારીખો આગળ વધી શકે છે.
એક રિપોર્ટ અનુસાર, IPLની મેગા ઓક્શન પ્રથમ સપ્તાહના બદલે જાન્યુઆરીના ત્રીજા સપ્તાહમાં યોજવામાં આવી શકે છે. તેનું કારણ એ છે કે BCCIએ હજુ સુધી નવી ફ્રેન્ચાઇઝી અમદાવાદને ખેલાડીઓ ખરીદવાની પરવાનગી આપી નથી.
ઇનસાઇડ સ્પોર્ટ સાથે વાત કરતા, BCCIના અધિકારીએ જણાવ્યું હતું કે, “મેગા ઓક્શન જાન્યુઆરીના ત્રીજા સપ્તાહ પહેલા શક્ય નથી કારણ કે તેઓ હજુ પણ અમદાવાદ ફ્રેન્ચાઇઝીના નિર્ણયની રાહ જોઈ રહ્યા છે. જ્યાં સુધી આ કરવામાં ન આવે ત્યાં સુધી હરાજીની તારીખોને અંતિમ સ્વરૂપ આપી શકાય નહીં. આ સિવાય લખનૌ અને અમદાવાદ બંનેને યોગ્ય વિન્ડો આપવી પડશે. તેમણે હરાજી પહેલા પોતાના ત્રણ ખેલાડીઓને સાઈન કરવા પડશે. અમે કદાચ જાન્યુઆરીના ત્રીજા અને ચોથા સપ્તાહ પહેલા હરાજી જોઈશું નહીં.
બે નવી ટીમોના ઉમેરા સાથે, IPL 2022 બે મહિનાથી વધુ ચાલશે. BCCI જૂનના પ્રથમ સપ્તાહમાં ફાઇનલ મેચ યોજવાનું આયોજન કરી રહ્યું છે, જેમાં સંભવિત તારીખ 4 અથવા 5 જૂન છે. આ વખતે તમામ ટીમો 14-14 મેચ રમશે, જેમાં 7 મેચ તેમના હોમ ગ્રાઉન્ડ પર અને 7 મેચ વિરોધી ટીમના મેદાન પર રમાશે. જોકે BCCIએ સત્તાવાર રીતે શેડ્યૂલ જાહેર કર્યું નથી. કોરોના મહામારીના કારણે IPLની છેલ્લી બે સિઝનનું આયોજન UAEમાં કરવામાં આવ્યું છે, પરંતુ આવતા વર્ષે આ ટૂર્નામેન્ટ ભારતમાં યોજાશે.