ઈન્ડિયન પ્રીમિયર લીગ (IPL) એ તેની પ્રથમ સિઝન 2022 માં રમી હતી, ગુજરાત ટાઇટન્સ (GT) એ પહેલી જ આવૃત્તિમાં IPL ટ્રોફી જીતી હતી. તેઓએ 29 મેના રોજ અમદાવાદના નરેન્દ્ર મોદી સ્ટેડિયમમાં રમાયેલી ફાઇનલ મેચમાં રાજસ્થાન રોયલ્સ (RR) ને 7 વિકેટે હરાવ્યું હતું.
કેપ્ટન હાર્દિક પંડ્યા આ જીતનો હીરો હતો, જેણે પોતાના ઓલરાઉન્ડ પ્રદર્શનથી ટીમની જીતમાં મહત્વની ભૂમિકા ભજવી હતી. તેણે પહેલા બોલિંગ કરતા રાજસ્થાનની ટીમ માટે ત્રણ વિકેટ લીધી અને પછી બેટિંગમાં 34 રનની મહત્વની ઈનિંગ રમી.
આ સાથે ઈંગ્લેન્ડના દિગ્ગજ બેટ્સમેન કેવિન પીટરસને ખેલાડીઓના પ્રદર્શનને ધ્યાનમાં લઈને આ સિઝનની તેમની સર્વશ્રેષ્ઠ પ્લેઈંગ ઈલેવન ટીમની પસંદગી કરી છે. આ ટીમમાં હાર્દિક પંડ્યા ઉપરાંત વધુ પાંચ ભારતીય ખેલાડીઓનો સમાવેશ કરવામાં આવ્યો છે. ટીમની કમાન હાર્દિક પંડ્યાને સોંપવામાં આવી છે. કેવિન પીટરસનનું માનવું છે કે હાર્દિક પંડ્યાએ આ સિઝનમાં ખૂબ જ સારી કેપ્ટનશિપ કરી છે.
હાર્દિક પંડ્યાએ આ સિઝનમાં 487 રન બનાવ્યા હતા અને 8 વિકેટ પોતાના નામે કરી હતી. તેમની કપ્તાની હેઠળ, ગુજરાત લીગ મેચો સમાપ્ત થયા પછી પોઈન્ટ ટેબલમાં ટોચ પર હતું અને પછી ક્વોલિફાયર 1 જીત્યું અને અંતિમ ટ્રોફી જીતી.
કેવિન પીટરસને આ સિઝનમાં પોતાની IPL ટીમમાં હાર્દિક પંડ્યાની સાથે જોસ બટલર, રવિચંદ્રન અશ્વિન અને જોશ હેઝલવુડનો સમાવેશ કર્યો છે. પીટરસને ઓપનર તરીકે જોસ બટલર અને ક્વિન્ટન ડી કોકને પોતાની ટીમમાં સામેલ કર્યા છે. તમને જણાવી દઈએ કે, બટલર આ સીઝનનો ઓરેન્જ કેપ વિજેતા હતો અને તેણે 863 રન બનાવ્યા હતા. એલએસજી તરફથી રમતી વખતે ડી કોકે 508 રન બનાવ્યા જેમાં એક સદી સામેલ હતી.
કેવિન પીટરસન XI:
જોસ બટલર, ક્વિન્ટન ડી કોક (wk), KL રાહુલ, હાર્દિક પંડ્યા (c), ડેવિડ મિલર, લિયામ લિવિંગસ્ટોન, રવિચંદ્રન અશ્વિન, રાહુલ તેવટિયા, ઉમરાન મલિક, યુઝવેન્દ્ર ચહલ, જોશ હેઝલવુડ.