IPL 2022 મેગા ઓક્શનને લઈને ક્રિકેટ જગતના ચાહકો માટે એક મોટા સમાચાર સામે આવ્યા છે. છેલ્લા ઘણા દિવસોથી ચાહકો રાહ જોઈ રહ્યા હતા કે IPL 2022માં યોજાનારી મેગા ઓક્શનની તારીખ આખરે ક્યારે જાહેર થશે. હવે IPL ચાહકોની રાહ પૂરી થઈ ગઈ છે, કારણ કે BCCI એ IPL 2022 મેગા ઓક્શનની તારીખ જાહેર કરી દીધી છે.
આઈપીએલ 2022 મેગા ઓક્શન અંગે બીસીસીઆઈના એક વરિષ્ઠ અધિકારીએ જણાવ્યું કે આવતા વર્ષે એટલે કે 2022માં આઈપીએલની મેગા ઓક્શન થશે. મેગા ઓક્શનનું આયોજન બેંગ્લોરમાં કરવામાં આવશે. અધિકારીના જણાવ્યા અનુસાર, જો દેશમાં કોરોના રોગચાળાની સ્થિતિ વધુ ખરાબ નહીં થાય, તો ભારતમાં જ IPLની મેગા હરાજી થશે. બે દિવસીય હરાજી બેંગલુરુમાં 7 અને 8 ફેબ્રુઆરીએ યોજાશે. તેની તૈયારી બીસીસીઆઈ દ્વારા કરવામાં આવી રહી છે.
પહેલા એવા અહેવાલ હતા કે UAEમાં મેગા ઓક્શનનું આયોજન કરવામાં આવશે, પરંતુ હાલમાં BCCIની આવી કોઈ યોજના નથી. કોરોનાના નવા વેરિઅન્ટ ઓમિક્રોનના વધતા કેસને કારણે વિદેશ પ્રવાસ પર પ્રતિબંધ લાગી શકે છે, જેનાથી ભારતમાં મેગા ઓક્શન કરવાનું સરળ બનશે. તમને એ પણ જણાવી દઈએ કે IPL 2022માં 10 ટીમો હશે, કારણ કે લખનઉ અમદાવાદની નવી ટીમો ઉમેરવામાં આવી છે.