હૈદરાબાદની ટીમ જ્યારે બ્રેબોન સ્ટેડિયમમાં દિલ્હી સામે ટકરાશે ત્યારે તેઓ પોતાની અગાઉની મેચોની ખામીઓને દૂર કરીને અહીં વિજય નોંધાવવા માંગશે.
ટીમ સતત 5 મેચ જીત્યા બાદ સતત બે મેચ હારી છે. ટીમની બેટિંગ અને બોલિંગ શાનદાર સ્થિતિમાં છે પરંતુ પાછલી મેચની ભૂલોમાંથી બોધપાઠ લઈને ટીમે દિલ્હી સામેની મેચમાં પોતાની યોગ્યતા સાબિત કરવી પડશે.
હૈદરાબાદની ઓપનિંગ જોડી – ટીમ પાસે કેપ્ટન કેન વિલિયમસન અને અભિષેક શર્માના રૂપમાં શાનદાર ઓપનિંગ જોડી છે. અભિષેક શર્મા સારી બેટિંગ કરી રહ્યો છે પરંતુ વિલિયમસન મોટો સ્કોર કરવામાં નિષ્ફળ રહ્યો છે. છેલ્લી મેચની વાત કરીએ તો બંનેએ પ્રથમ વિકેટ માટે 58 રનની ભાગીદારી કરી હતી. આ મેચમાં ટીમને બંને તરફથી મજબૂત શરૂઆતની જરૂર પડશે કારણ કે દિલ્હીની બેટિંગ વધુ અસરકારક દેખાઈ રહી છે.
હૈદરાબાદ મિડલ ઓર્ડર- ટીમની તાકાત મિડલ ઓર્ડર રહી છે. આ જ કારણ છે કે ટીમે ઓપનિંગની કમી હોવા છતાં સારું પ્રદર્શન કર્યું છે. મિડલ ઓર્ડરમાં ટીમ પાસે રાહુલ ત્રિપાઠી, એડન માર્કરામ, નિકોલસ પૂરન અને યુવા શશાંક સિંહની બેટિંગ છે જેઓ મેચમાં રન બનાવી રહ્યા છે. માર્કરામ અને ત્રિપાઠીની જોડીએ પણ ઘણી મેચ જીતી છે.
હૈદરાબાદની બોલિંગ – ઉમરાન મલિકે ગુજરાત સામે તેની ઝડપથી બધાને પોતાના પ્રશંસક બનાવી દીધા હતા પરંતુ ચેન્નાઈ સામે તે મોંઘો સાબિત થયો હતો. આવી સ્થિતિમાં તેણે આ મેચમાં નવી રણનીતિ સાથે આવવું પડશે. મલિક ઉપરાંત અનુભવી ભુવનેશ્વર કુમાર અને ટી નટરાજન પણ સારી બોલિંગ કરી રહ્યા છે. સ્પિનને જે. સુચિત પાસે છે. યુવા ફાસ્ટ બોલર માર્કો યાનસેને પણ પોતાના પ્રદર્શનથી બધાનું ધ્યાન ખેંચ્યું છે.
હૈદરાબાદની સંભવિત પ્લેઈંગ ઈલેવન-
અભિષેક શર્મા, કેન વિલિયમસન (કેપ્ટન), રાહુલ ત્રિપાઠી, એડન માર્કરામ, નિકોલસ પૂરન, શશાંક સિંહ, જે સુચિત, ભુવનેશ્વર કુમાર, માર્કો યાનસેન, ઉમરાન મલિક, ટી નટરાજન.