લખનૌ સુપર જાયન્ટ્સ (એલએસજી) એ શુક્રવારે ઈજાગ્રસ્ત કેપ્ટન કેએલ રાહુલના સ્થાનની જાહેરાત કરી હતી. એલએસજીએ રાહુલની જગ્યાએ ડેશિંગ બેટ્સમેન કરુણ નાયરને પોતાની ટીમમાં સામેલ કર્યો છે.
નાયરે 76 આઈપીએલ મેચ રમી છે. તેણે આ સમયગાળા દરમિયાન આઈપીએલમાં 23.75ની એવરેજ અને 127.75ની સ્ટ્રાઈક રેટથી 1496 રન બનાવ્યા હતા. તેણે કુલ 10 અડધી સદી ફટકારી છે. તે આઈપીએલમાં પાંચ ફ્રેન્ચાઈઝીનો ભાગ રહી ચૂક્યો છે. એલએસજી નાયરની છઠ્ઠી ટીમ છે. તે ગત સિઝનમાં રાજસ્થાન રોયલ્સ (RR)નો ભાગ હતો. નાયરે કુલ 8 આંતરરાષ્ટ્રીય મેચ રમી છે.
IPL દ્વારા જારી કરવામાં આવેલી પ્રેસ રિલીઝ અનુસાર, LSG એ IPL 2023 ની બાકીની મેચો માટે KL રાહુલની જગ્યાએ કરુણનો સમાવેશ કર્યો છે. કરુણ 50 લાખ રૂપિયામાં LSGમાં જોડાયો હતો. આઈપીએલ 2023ની મીની હરાજીમાં તે વેચાયો ન હતો.
ઉલ્લેખનીય છે કે, IPL 2023ની 43મી મેચમાં ફિલ્ડિંગ કરતી વખતે રાહુલને ઈજા થઈ હતી. લખનૌના એકાના સ્ટેડિયમમાં રોયલ ચેલેન્જર્સ બેંગ્લોર (RCB) સામે બીજી ઓવરમાં તેને જાંઘમાં ઈજા થઈ હતી. તેને સપોર્ટ સ્ટાફની મદદથી મેદાનની બહાર જવું પડ્યું. તે ટાર્ગેટનો પીછો કરવા માટે પણ નીચે ઉતર્યો નહોતો. LSG 18 રનથી મેચ હારી ગયું હતું.
રાહુલની ટૂંક સમયમાં સર્જરી થશે. તે માત્ર આઈપીએલની 16મી સિઝનમાંથી બહાર જ નથી થયો પરંતુ તે 7 જૂનથી લંડનના ઓવલ ખાતે યોજાનારી વર્લ્ડ ટેસ્ટ ચેમ્પિયનશિપ (WTC)ની ફાઈનલમાં પણ રમી શકશે નહીં. ફાઇનલમાં ભારતનો સામનો ઓસ્ટ્રેલિયા સામે થશે. રાહુલે શુક્રવારે ઈન્સ્ટાગ્રામ પર એક પોસ્ટ શેર કરીને પોતાની ઈજા અંગે અપડેટ આપી હતી.
Error 303: New player found 🙌 pic.twitter.com/U5mQLlZNbC
— Lucknow Super Giants (@LucknowIPL) May 5, 2023