આરસીબી-મુંબઈ ઈન્ડિયન્સ વચ્ચેની લડાઈ, જાણો કોણ કોના પર ભારી છે

ઈન્ડિયન પ્રીમિયર લીગ 2023માં 2 એપ્રિલે રોયલ ચેલેન્જર્સ બેંગ્લોર અને મુંબઈ ઈન્ડિયન્સની ટીમો આમને-સામને થશે.

બંને ટીમો વચ્ચેની આ મેચ બેંગલુરુના એમ ચિન્નાસ્વામી સ્ટેડિયમમાં રમાશે. IPL 2022માં મુંબઈ ઈન્ડિયન્સનું પ્રદર્શન અત્યંત શરમજનક રહ્યું હતું. ગયા વર્ષે મુંબઈની ટીમ પોઈન્ટ ટેબલમાં છેલ્લા સ્થાને રહી હતી. IPL 2022માં, રોહિત શર્માની ટીમ 14 માંથી માત્ર 4 મેચ જીતવામાં સફળ રહી હતી. જ્યારે રોયલ ચેલેન્જર્સ બેંગ્લોરનું પ્રદર્શન શાનદાર રહ્યું હતું. ફાફ ડુ પ્લેસિસની ટીમ પ્લેઓફમાં પહોંચવામાં સફળ રહી હતી. પરંતુ આ વખતે મુંબઈની ટીમ ગત સિઝન કરતા સારી છે. આવો અમે તમને RCB અને મુંબઈ ઈન્ડિયન્સ વચ્ચે રમાયેલી IPL મેચોના હેડ ટુ હેડ આંકડાઓ વિશે જણાવીએ.

IPL 2023માં મુંબઈ ઈન્ડિયન્સની ટીમ જસપ્રીત બુમરાહ વિના મેદાનમાં ઉતરશે. બુમરાહ ઈજાના કારણે IPLની 16મી સિઝનમાંથી બહાર છે. તો બીજી બાજુ, રોયલ ચેલેન્જર્સ બેંગ્લોરનો બોલર જોશ હેઝલવુડ પણ RCB માટે ઉપલબ્ધ નથી. તે હજુ સુધી એચિલીસની ઈજામાંથી બહાર આવ્યો નથી.

RCB vs MI હેડ ટુ હેડ:

જો અત્યાર સુધી રોયલ ચેલેન્જર્સ બેંગ્લોર અને મુંબઈ ઈન્ડિયન્સ વચ્ચે રમાયેલી આઈપીએલ મેચોના હેડ ટુ હેડ આંકડા જોઈએ તો મુંબઈની ટીમ RCB પર ભારે છે. RCB અને મુંબઈ ઈન્ડિયન્સ વચ્ચે અત્યાર સુધીમાં 32 મેચ રમાઈ છે. આ 32 મેચોમાંથી મુંબઈએ 19 અને આરસીબીએ 12 મેચ જીતી છે. આ આંકડા દર્શાવે છે કે IPLમાં બેંગ્લોરની ટીમ મુંબઈ સામે સંઘર્ષ કરી રહી છે.