ઈન્ડિયન પ્રીમિયર લીગ 2024ની છઠ્ઠી મેચમાં રોયલ ચેલેન્જર્સ બેંગ્લોરે પંજાબ કિંગ્સને ચાર વિકેટથી હરાવ્યું.
બેંગલુરુના એમ. ચિન્નાસ્વામી સ્ટેડિયમમાં રમાયેલી મેચ ખૂબ જ રસપ્રદ રહી હતી. આરસીબીને મેચ જીતવા માટે 46 રનની જરૂર હતી અને છ વિકેટ પડી ગઈ હતી. આવી સ્થિતિમાં દિનેશ કાર્તિકે ઈમ્પેક્ટ પ્લેયર મહિપાલાલ લોમરોરે સાથે મળીને ટીમને ચાર બોલ બાકી રહેતા ચાર વિકેટે જીત અપાવી હતી.
પંજાબે આપેલા 177 રનના લક્ષ્યનો પીછો કરવા ઉતરેલી RCBની શરૂઆત સારી રહી ન હતી. જોકે, વિરાટ કોહલીએ બીજા છેડેથી રન બનાવવાનું ચાલુ રાખ્યું હતું. આ દરમિયાન રજત પાટીદાર (18 રન) અને અનુજ રાવતે (11) કોહલીને થોડો ટેકો આપ્યો હતો. ત્યારબાદ કોહલી પણ 77 રન બનાવીને આઉટ થયો હતો. તેના ગયા બાદ આરસીબીને જીતવા માટે 22 બોલમાં 47 રનની જરૂર હતી. ત્યારબાદ મેદાન પર આવેલા દિનેશ કાર્તિક અને ઈમ્પેક્ટ પ્લેયર મહિપાલ લોમરોરે જોરદાર બેટિંગ કરી અને 18 બોલમાં 48 રન બનાવ્યા અને ટીમને જીત તરફ દોરી ગઈ. કાર્તિકે 10 બોલમાં 28 રન અને લોમરોરે 8 બોલમાં 17 રન બનાવ્યા હતા. પંજાબ તરફથી કાગીસો રબાડા અને હરપ્રીત બ્રારને બે-બે સફળતા મળી. જ્યારે સેમ કુરન અને હર્ષલ પટેલને એક-એક વિકેટ મળી હતી.
આ પહેલા ટોસ હાર્યા બાદ બેટિંગ કરતા પંજાબ કિંગ્સે 20 ઓવરમાં 176 રન બનાવ્યા હતા. પંજાબ માટે કેપ્ટન શિખર ધવને 45 રન, પ્રભસિમરન સિંહે 25 રન, જિતેશ શર્માએ 27 રન અને સેમ કુરાને 23 રનનું યોગદાન આપ્યું હતું. જ્યારે છેલ્લી ઓવરમાં શશાંક સિંહે 20 રન ફટકારીને સ્કોર 176 સુધી પહોંચાડ્યો હતો.શશાંકે 8 બોલમાં 21 રન બનાવ્યા હતા. આરસીબી માટે મોહમ્મદ. સિરાજ અને ગ્લેન મેક્સવેલે બે-બે વિકેટ લીધી હતી. જ્યારે યશ દયાલ અને અલઝારી જોસેફને એક-એક સફળતા મળી હતી.
DK Boss, our finisher supreme 🫡#PlayBold #ನಮ್ಮRCB #IPL2024 #RCBvPBKS
— Royal Challengers Bengaluru (@RCBTweets) March 25, 2024