કોલકાતા નાઈટ રાઈડર્સના ફાસ્ટ બોલર હર્ષિત રાણાને આઈપીએલની આચાર સંહિતાનું ઉલ્લંઘન કરવા બદલ દંડ ફટકારવામાં આવ્યો છે. BCCIએ આ 22 વર્ષીય યુવા ફાસ્ટ બોલર પર મેચ ફીના 60 ટકાનો દંડ લગાવ્યો છે.
શનિવારે સનરાઈઝર્સ હૈદરાબાદ સામેની આઈપીએલ 2024 મેચમાં તેના ઈશારાને ખોટો માનતા તેના પર આ દંડ લગાવવામાં આવ્યો છે. આ મેચમાં કોલકાતા નાઈટ રાઈડર્સનો ચાર રને વિજય થયો હતો.
રાણાએ સનરાઈઝર્સ હૈદરાબાદના ઓપનર મયંક અગ્રવાલને મેચ દરમિયાન આઉટ કર્યા બાદ ફ્લાઈંગ કિસ કરી હતી. તેનું વલણ બોર્ડને પસંદ ન આવ્યું. સિનિયર બેટ્સમેનને આઉટ કર્યા બાદ રાણાએ પોતાનો ગુસ્સો ગુમાવી દીધો અને આ ઈશારો કર્યો.
રાણાએ મેચ દરમિયાન IPL આચાર સંહિતાની કલમ 2.5 હેઠળ લેવલ 1 ના બે ગુના કર્યા હતા. તેના પર મેચ ફીના 10% અને 50% નો બે દંડ લાદવામાં આવ્યો હતો. રાણાએ બંને ગુનાની કબૂલાત કરી છે અને રેફરીની સજા સ્વીકારી છે.
મેચની વાત કરીએ તો કોલકાતા નાઈટ રાઈડર્સે સનરાઈઝર્સ હૈદરાબાદને રોમાંચક મેચમાં હરાવ્યું હતું.
News Alert: KKR bowler Harshit Rana has been fined 60% of his match fee for breaching IPL code of conduct. pic.twitter.com/uxSc70F5XH
— CricTracker (@Cricketracker) March 24, 2024