ગુજરાતે હરાજીમાં આશ્ચર્યજનક દાવ લગાવ્યો! જુઓ ગુજરાત ટાઇટન્સની ટીમ

ગુજરાત ટાઇટન્સ (GT)એ મંગળવારે IPL ઓક્શન 2024માં આર્થિક ખરીદી કરી હતી. જીટીએ હરાજીમાં રૂ. 38.15 કરોડની સૌથી વધુ બોલી મેળવી હતી અને તેના 8 ખાલી સ્લોટ ભરવા છતાં નાણાં બચાવ્યા હતા.

જીટીના પર્સમાં 7.85 કરોડ રૂપિયા બાકી છે. જીટીની 25 ખેલાડીઓની ટીમ હવે પૂર્ણ થઈ ગઈ છે. ઓસ્ટ્રેલિયાના ફાસ્ટ બોલર સ્પેન્સર જોન્સન પર ગુજરાતે આશ્ચર્યજનક દાવ લગાવ્યો હતો. માત્ર ત્રણ ઇન્ટરનેશનલ મેચ રમનાર સ્પેન્સરને 10 કરોડ રૂપિયામાં ખરીદવામાં આવ્યો હતો. તેની મૂળ કિંમત 50 લાખ રૂપિયા હતી. કોલકાતા અને દિલ્હીએ પણ સ્પેન્સરમાં રસ દાખવ્યો હતો.

જીટીએ પોતાની વિસ્ફોટક બેટિંગ માટે પ્રખ્યાત તમિલનાડુના ખેલાડી શાહરૂખ ખાનને 7.40 કરોડ રૂપિયામાં ખરીદ્યો હતો. તેની મૂળ કિંમત 40 લાખ હતી. શાહરૂખને પંજાબ કિંગ્સ દ્વારા હરાજી પહેલા રિલીઝ કરવામાં આવ્યો હતો. ગુજરાતે અનુભવી ફાસ્ટ બોલર ઉમેશ યાદવ પર 5.80 કરોડ રૂપિયા ખર્ચ્યા હતા. જીટીએ મિશેલ સ્ટાર્કને ખરીદવાનો પ્રયાસ કર્યો પરંતુ કોલકાતા 24 કરોડ 75 લાખ રૂપિયા સાથે જીતી ગયું. જીટીએ 24 કરોડથી વધુની બોલી લગાવી હતી. સ્ટાર્ક IPL ઈતિહાસનો સૌથી મોંઘો ખેલાડી બની ગયો છે. ઉલ્લેખનીય છે કે IPL 2024માં શુભમન ગિલ ગુજરાતની કમાન સંભાળશે. જીટીએ હરાજી પહેલા હાર્દિક પંડ્યાને મુંબઈ મોકલ્યો હતો.

IPL 2024 માટે ગુજરાત ટાઇટન્સની ટીમ: શુભમન ગિલ (કેપ્ટન), મેથ્યુ વેડ, રિદ્ધિમાન સાહા, કેન વિલિયમસન, ડેવિડ મિલર, અભિનવ મનોહર, બી સાઈ સુદર્શન, દર્શન નલકાંડે, ઉમેશ યાદવ, અઝમતુલ્લા ઉમરઝાઈ, વિજય શંકર, જયંત શાહરૂખ ખાન, જયંત શાહ રાહુલ તેવટિયા, માનવ સુથાર, રોબિન મિંઝે, મોહમ્મદ શમી, નૂર અહેમદ, જોશુઆ લિટલ, મોહિત શર્મા, સ્પેન્સર જોન્સન, કાર્તિક ત્યાગી, સુશાંત મિશ્રા, સાઈ કિશોર, રાશિદ ખાન.

𝗖𝗵𝗮𝗹𝗼, 𝟮𝟬𝟮𝟰 𝗻𝗶 𝘀𝗵𝘂𝗯𝗵 𝘀𝗵𝘂𝗿𝘂𝘃𝗮𝗮𝘁 𝗸𝗮𝗿𝗲𝗶𝗻! 🌟#AavaDe #IPL2024 pic.twitter.com/8lb8ZESR6B

— Gujarat Titans (@gujarat_titans) December 19, 2023