IPL 2024માં KKR અને લખનૌ સુપર જાયન્ટ્સ વચ્ચે મેચ રમાઈ હતી. આ મેચમાં લખનૌના કેપ્ટન કેએલ રાહુલે ટોસ જીતીને પહેલા બોલિંગ કરવાનો નિર્ણય કર્યો હતો. જે ખોટું સાબિત થયું. આ મેચમાં KKRના બેટ્સમેનોએ શાનદાર પ્રદર્શન કર્યું હતું. પ્રથમ બેટિંગ કરતા ટીમે 235 રનનો લક્ષ્યાંક આપ્યો હતો. આ સાથે KKR ટીમે લખનૌ સુપર જાયન્ટ્સ સામે મોટો રેકોર્ડ બનાવ્યો છે.
KKR પહેલા, IPL 2023માં LSG સામે સૌથી વધુ સ્કોર ગુજરાત ટાઇટન્સે બનાવ્યો હતો. જે 227 રન હતો. હવે KKR એ IPLની તમામ ટીમોને પાછળ છોડી દીધી છે અને લખનૌ સામે સૌથી વધુ સ્કોર ધરાવતી ટીમ બની ગઈ છે.
IPLમાં લખનૌ સુપર જાયન્ટ્સ સામે સર્વોચ્ચ સ્કોર:
235/6 – KKR, 2024
227/2 – ગુજરાત ટાઇટન્સ, 2023
217/7 – ચેન્નાઈ સુપર કિંગ્સ, 2023
212/2 – RCB, 2023
210/7 – ચેન્નાઈ સુપર કિંગ્સ, 2022
KKRએ 235 રન બનાવ્યા હતા. લખનૌના મેદાન પર આ કોઈપણ આઈપીએલ ટીમનો સર્વશ્રેષ્ઠ સ્કોર છે. આઈપીએલના ઈતિહાસમાં આ પહેલીવાર છે જ્યારે કોઈ ટીમે લખનૌના મેદાન પર 200થી વધુ રન બનાવ્યા હોય. આ પહેલા લખનૌના મેદાન પર સૌથી વધુ સ્કોર એલએસજી દ્વારા પંજાબ કિંગ્સ સામે 199 રનનો હતો.