રોહિતને લઈને માઈકલ વોને કહ્યું- તે આગામી સિઝનમાં ચેન્નાઈ તરફથી રમશે

ઈંગ્લેન્ડના પૂર્વ કેપ્ટન માઈકલ વોને મુંબઈ ઈન્ડિયન્સના પૂર્વ કેપ્ટન અને ઓપનર બેટ્સમેન રોહિત શર્માને લઈને નિવેદન આપ્યું છે. આ સીઝનમાં જ રોહિત શર્માને મુંબઈ ઈન્ડિયન્સની ટીમના કેપ્ટનપદેથી હટાવીને હાર્દિકને ટીમની કમાન સોંપવામાં આવી હતી.

આવતા વર્ષે IPLમાં મેગા ઓક્શન થવા જઈ રહ્યું છે જેના કારણે એવી આશા રાખવામાં આવી રહી છે કે રોહિત શર્મા બીજી ટીમ સાથે જોડાઈ શકે છે. માઈકલ વોને કહ્યું કે રોહિત આવતા વર્ષે ચેન્નાઈ સુપર કિંગ્સ ટીમ તરફથી રમતા જોવા મળી શકે છે.

ઈંગ્લેન્ડના પૂર્વ કેપ્ટન માઈકલ વોને કહ્યું કે, રોહિત શર્મા મહેન્દ્ર સિંહ ધોનીનો યોગ્ય રિપ્લેસમેન્ટ બની શકે છે. વોને કહ્યું કે હું તેને ચેન્નાઈની ટીમમાં જોઉં છું પરંતુ જો તે ચેન્નાઈના કેપ્ટન તરીકે મુંબઈ આવશે તો શું તેનો શિકાર થશે? માઈકલ વોને હાર્દિકની બબાલની નિંદા કરી છે તેણે કહ્યું કે મને આશા હતી કે રોહિત છેલ્લી વખત મુંબઈની કેપ્ટનશીપ કરતો જોવા મળશે પરંતુ હાર્દિકને આ રીતે બૂમ કરવી યોગ્ય નથી.