ઈન્ડિયન પ્રીમિયર લીગ (આઈપીએલ)ની 18મી સીઝન એટલે કે આઈપીએલ-2025 માટે આ વર્ષે મેગા ઓક્શન યોજાવાની છે. ભારતીય ક્રિકેટ કંટ્રોલ બોર્ડ (BCCI) એ હજુ સુધી નિર્ણય લીધો નથી કે ખેલાડીઓના રિટેન્શનના નિયમોમાં ફેરફાર કરવો કે જાળવી રાખવો.
હરાજી માટેના રિટેન્શન નિયમો અનુસાર, એક ટીમ વધુમાં વધુ 3 ખેલાડીઓને જાળવી શકે છે. રાઈટ ટુ મેચ (RTM) કાર્ડ વડે ખેલાડી ઉમેરી શકાય છે. આવી સ્થિતિમાં, ટીમોને ચાર ખેલાડીઓને જાળવી રાખવાની તક મળે છે. કોઈપણ ટીમને વધુમાં વધુ 2 વિદેશી ખેલાડીઓ રાખવાની છૂટ છે.
આઈપીએલની કેટલીક ફ્રેન્ચાઈઝી ઈચ્છે છે કે આ મર્યાદા વધારીને 8 ખેલાડીઓ કરવામાં આવે. પરંતુ તમામ ફ્રેન્ચાઈઝી સાથે આવું નથી. વર્તમાન ત્રણ રીટેન્શન અને એક રાઈટ ટુ મેચ (RTM) કાર્ડ સિસ્ટમમાં ઘણા સમર્થકો છે.
આઈપીએલ સાથે સંકળાયેલા અધિકારીઓનું કહેવું છે કે હરાજી આઈપીએલનો મહત્વનો હિસ્સો છે અને ખેલાડીઓને જાળવી રાખવાની સંખ્યા વધારવાથી લીગની મજા છીનવાઈ જશે. જોકે ખબરને અનુશાર એવું કહેવું છે કે જો 6 થી 8 ખેલાડીઓને જાળવી રાખવાની પરવાનગી આપવામાં આવશે તો હરાજી એક નકામી પ્રક્રિયા બની જશે. આ હરાજીએ આઈપીએલનો ઉત્સાહ વધાર્યો છે. તેને ઓછું મહત્વ આપવાથી લીગને સારી સ્થિતિમાં રાખવામાં મદદ મળશે નહીં.
મેગા ઓક્શન પહેલા બોર્ડ આ નિયમ પર વિચારણા કરી રહ્યું છે. IPL ઈતિહાસમાં વિરાટ કોહલી, સચિન તેંડુલકર, જસપ્રિત બુમરાહ, લસિથ મલિંગા જેવા બહુ ઓછા ખેલાડીઓ છે જેઓ માત્ર એક જ ટીમ માટે રમ્યા છે. અધિકારીઓ IPLની સરખામણી ઇંગ્લિશ ફૂટબોલ ક્લબ સાથે કરવા માંગતા નથી.
IPL Retention Rules :
A Team can retain maximum of 4 players. Teams are not allowed to retain more than three Indian players or two overseas players. Team retaining 1 player will have 3 RTM card. For teams retaining four players, the IPL deducts Rs 42 cr. from their 90 cr. purse pic.twitter.com/IhXfM2dHrt
— Chinmay Shah (@chinmayshah28) March 29, 2024