રોયલ ચેલેન્જર્સ બેંગ્લોર IPLમાં ક્રિકેટ ચાહકોની સૌથી ફેવરિટ ટીમ છે. RCB તેની શાનદાર બેટિંગ માટે જાણીતું છે. જો કે તેમ છતાં ટીમ એક વખત પણ ચેમ્પિયન બની શકી નથી, જેનું કારણ બોલિંગ રહી છે.
મેચ દરમિયાન બોલરોને મદદ કરવામાં વિકેટકીપર મહત્વની ભૂમિકા ભજવે છે, જે તેમને વિકેટની પાછળથી માર્ગદર્શન આપે છે. આ કારણોસર ટીમ માટે અનુભવી અને ચપળ વિકેટકીપર હોવું જરૂરી છે. દિનેશ કાર્તિકે IPLમાંથી નિવૃત્તિ લઈ લીધી છે. આવી સ્થિતિમાં રોયલ ચેલેન્જર્સ બેંગ્લોરે આગામી સિઝનમાં તેની ઉણપની ભરપાઈ કરવી પડશે. આ ત્રણ વિકેટકીપર હોઈ શકે છે, જેમને RCBએ મેગા ઓક્શન દરમિયાન ખરીદવું માંગશે.
ધ્રુવ જુરેલ:
ડોમેસ્ટિક ક્રિકેટમાં ધ્રુવ જુરેલના આંકડા શાનદાર છે. તે વિકેટ પાછળ ખૂબ જ સક્રિય છે. તેણે આઈપીએલની છેલ્લી બે સિઝનમાં પોતાની બેટિંગથી પ્રભાવિત કર્યા છે. RCB હરાજી દરમિયાન 23 વર્ષના યુવા વિકેટકીપર પર બોલી લગાવી શકે છે.
અભિષેક પોરેલ:
અભિષેક પોરેલ દિલ્હી કેપિટલ્સનો એક ભાગ છે. મેગા ઓકશન પહેલા ડીસી તેને જાળવી રાખે તેવી શક્યતા ઘણી ઓછી છે. ગત IPL સિઝનમાં 14 મેચમાં 327 રન બનાવ્યા હતા. તે ફ્રેન્ચાઈઝી માટે સૌથી વધુ રન બનાવનાર બેટ્સમેનોની યાદીમાં સામેલ હતો. આ સિવાય તે ઘરેલુ ક્રિકેટમાં પણ નિરાશ થયો નથી.
જીતેશ શર્મા:
જીતેશ શર્મા ડોમેસ્ટિક ક્રિકેટ અને આઈપીએલમાં તબાહી મચાવી રહ્યો છે. મોટા શોટ મારવાની તેની ક્ષમતા RCB માટે ગેમ ચેન્જર સાબિત થઈ શકે છે. જીતેશ શાનદાર વિકેટકીપિંગ પણ કરે છે. ગત IPL સિઝનમાં તેણે પંજાબ કિંગ્સ માટે ફિનિશરની ભૂમિકા ભજવી હતી. જિતેશનું બેંગલુરુ જવાથી બેટિંગ ક્રમમાં પણ ઉંડાણ આવશે.