IPL 2024 ની મીની હરાજી 19 ડિસેમ્બરે દુબઈમાં થશે. આ હરાજીમાં 333 ખેલાડીઓ પર બિડિંગ થશે. આ પહેલા એ જાણવું જરૂરી છે કે આ ટૂર્નામેન્ટમાં અત્યાર સુધી કઈ ટીમ સૌથી વધુ બ્રાન્ડ વેલ્યુ ધરાવે છે. જો તમે વિચારી રહ્યા છો કે ટીમ મહેન્દ્ર સિંહ ધોનીની ચેન્નાઈ સુપર કિંગ્સ છે તો તમે ખોટા છો.
છેલ્લી IPL સિઝનમાં ધોનીની કેપ્ટન્સીમાં ચેન્નાઈ સુપર કિંગ્સે ગુજરાત ટાઇટન્સને હરાવીને પાંચમી વખત IPL ટ્રોફી જીતી હતી. CSK, મુંબઈ ઈન્ડિયન્સ સાથે મળીને સૌથી વધુ IPL ટ્રોફી જીતી છે. બંને ટીમોના ખાતામાં 5-5 IPL ટ્રોફી છે. બ્રાન્ડ ફાઇનાન્સના અહેવાલ મુજબ, રોહિત શર્માની આગેવાની હેઠળની મુંબઈ ઈન્ડિયન્સ IPLમાં સૌથી વધુ બ્રાન્ડ વેલ્યુ ધરાવતી ટીમ છે.
રિપોર્ટ અનુસાર મુંબઈ ઈન્ડિયન્સ સૌથી વધુ બ્રાન્ડ વેલ્યુ (725 કરોડ) સાથે ટોપ પર છે. જ્યારે, ચેન્નાઈ સુપર કિંગ્સ રૂ. 672 કરોડ (US$ 80.6 મિલિયન) સાથે બીજા ક્રમે છે. બંને ટીમો વચ્ચે મોટો તફાવત છે. બે વખતની ચેમ્પિયન કોલકાતા નાઈટ રાઈડર્સ ત્રીજા સ્થાને છે, જેની બ્રાન્ડ વેલ્યુ લગભગ ₹655 કરોડ (US$78.6 મિલિયન) છે.
તમામ IPL ટીમોની બ્રાન્ડ વેલ્યુ: તમામ IPL ટીમોની બ્રાન્ડ વેલ્યુ:
મુંબઈ ઈન્ડિયન્સ – 725 કરોડ
ચેન્નાઈ સુપર કિંગ્સ – 672 કરોડ
કોલકાતા નાઈટ રાઈડર્સ – 655 કરોડ
રોયલ ચેલેન્જર્સ બેંગ્લોર – 582 કરોડ
ગુજરાત ટાઇટન્સ – 545 કરોડ
દિલ્હી કેપિટલ્સ – 537 કરોડ
રાજસ્થાન રોયલ્સ – 521 કરોડ
સનરાઇઝર્સ હૈદરાબાદ – 401 કરોડ
લખનૌ સુપર જાયન્ટ્સ – 391 કરોડ
પંજાબ કિંગ્સ- 377 કરોડ