આરસીબી ચેન્નાઈના એમએ ચિદમ્બરમ સ્ટેડિયમમાં આ મેચ રમવાનું છે…
ઈન્ડિયન પ્રીમિયર લીગની ફ્રેન્ચાઇઝી ટીમ રોયલ ચેલેન્જર્સ બેંગ્લોર એ મંગળવારે વૈશ્વિક રમતો બ્રાન્ડ પુમા સાથે વ્યૂહાત્મક લાંબા ગાળાની ભાગીદારીની ઘોષણા કરી છે. આ ડીલ અંતર્ગત, આઈપીએલ 2021 માં આરસીબીની ઓફિશિયલ કિટ પાર્ટનર પુમા હશે. આરસીબીના કેપ્ટન વિરાટ કોહલી પહેલાથી જ પુમા સાથે સંકળાયેલા છે.
વિરાટે કહ્યું, “પૂમાને આરસીબી ફેમિલીમાં જોઈને આનંદ થયો.” આરસીબીની નવી જર્સી 1 એપ્રિલે લોંચ થવાની છે અને તે જ દિવસે કેપ્ટન વિરાટ કોહલી પણ ટીમમાં જોડાશે. જોકે, વિરાટને સાત દિવસ હોટલના ઓરડામાં રાખવામાં આવશે, કારણ કે તે ઇંગ્લેન્ડ સામેની વનડે સિરીઝ પૂરી થયા બાદ મુંબઇમાં પોતાના ઘરે પાછો ફર્યો છે.
આરસીબી તેમની પ્રથમ મેચ 9 એપ્રિલે રમવાનું છે. ડિફેન્ડિંગ ચેમ્પિયન મુંબઈ ઈન્ડિયન્સ અને આરસીબી વચ્ચેની મેચની સાથે સાથે આઈપીએલની 14 મી સીઝન પણ શરૂ થશે. ગત સીઝનમાં, આરસીબીની ટીમ પ્લે ઓફમાં પહોંચવામાં સફળ રહી હતી. આરસીબી ચેન્નાઈના એમએ ચિદમ્બરમ સ્ટેડિયમમાં આ મેચ રમવાનું છે.