ઇન્ડિયન પ્રીમિયર લીગની મેગા ઓક્શન પહેલા ગુજરાત ટાઇટન્સ તેના કેપ્ટન શુભમન ગિલ, સ્ટાર સ્પિનર રાશિદ ખાન અને ડાબોડી બેટ્સમેન સાઇ સુદર્શનને ટીમમાં જાળવી શકે છે.
આઈપીએલના ખબરો અનુસાર, ‘શુબમન, રાશિદ અને સાઈને ફ્રેન્ચાઈઝી દ્વારા જાળવી રાખવામાં આવી શકે છે.’ ભારતીય ક્રિકેટ ટીમના ભાવિ સુકાની ગણાતા ગિલ આ વર્ષે પ્રથમ વખત ટાઇટન્સની કેપ્ટનશીપ કરી જ્યારે ટીમ દસ ટીમોમાં આઠમા સ્થાને રહી. ટાઇટન્સે 2022માં તેમની IPLની શરૂઆત કરી હતી અને ટાઇટલ જીત્યું હતું અને બીજા વર્ષે હાર્દિક પંડ્યાની કપ્તાની હેઠળ ફરીથી રનર-અપ થયું હતું.
આઈપીએલની મેગા ઓક્શન નવેમ્બરના અંતિમ સપ્તાહમાં થવાની ધારણા છે. હરાજી માટેનું પર્સ 100 કરોડ રૂપિયાથી વધારીને 120 કરોડ રૂપિયા કરવામાં આવ્યું છે. મેચ ફી 7.5 લાખ રૂપિયા પ્રતિ મેચ હશે.