IPL: હેરી બ્રુકની જગ્યાએ દક્ષિણ આફ્રિકાનો ક્રિકેટર દિલ્હી કેપિટલ્સમાં જોડાયો

દિલ્હી કેપિટલ્સે સોમવારે ચાલી રહેલી ઈન્ડિયન પ્રીમિયર લીગમાં હેરી બ્રુકના સ્થાને દક્ષિણ આફ્રિકાના ફાસ્ટ બોલર લિઝાર્ડ વિલિયમ્સને ટીમમાં સામેલ કર્યો હતો. ઈંગ્લેન્ડનો બેટ્સમેન બ્રુક તેની દાદીના મૃત્યુને કારણે ટૂર્નામેન્ટમાંથી ખસી ગયો હતો.

2021માં આંતરરાષ્ટ્રીય ક્રિકેટમાં પદાર્પણ કર્યા બાદ, 30 વર્ષીય વિલિયમ્સે 2 ટેસ્ટ, 4 ODI અને 11 T20 આંતરરાષ્ટ્રીય મેચોમાં દક્ષિણ આફ્રિકાનું પ્રતિનિધિત્વ કર્યું છે. તે રૂ. 50 લાખની મૂળ કિંમતે દિલ્હી કેપિટલ્સ સાથે જોડાશે.

દિલ્હી કેપિટલ્સે એક નિવેદનમાં જણાવ્યું કે દિલ્હી કેપિટલ્સે ઈન્ડિયન પ્રીમિયર લીગ 2024ની બાકીની ટુર્નામેન્ટ માટે ઈંગ્લેન્ડના હેરી બ્રુકના સ્થાને દક્ષિણ આફ્રિકાના ફાસ્ટ બોલર લિઝાર્ડ વિલિયમ્સને સાઈન કર્યો છે. દિલ્હી કેપિટલ્સે બ્રુક સાથે રૂ. 4 કરોડમાં કરાર કર્યો હતો પરંતુ ફેબ્રુઆરીમાં તેની દાદીના અવસાન બાદ તે ટુર્નામેન્ટમાંથી ખસી ગયો હતો.