નવા કેપ્ટન હેઠળ બેંગ્લોર માટે આ સિઝન મિશ્રિત રહી છે. પ્રથમ મેચમાં જ્યાં તેને 200થી વધુ સ્કોર કર્યા બાદ પણ હારનો સામનો કરવો પડ્યો હતો, ત્યાં બીજી મેચમાં ટીમ કોલકાતાને હરાવીને વાપસી કરી હતી.
જ્યારે ટીમ રાજસ્થાન સામેની મેચમાં વાનખેડે મેદાન પર ઉતરશે ત્યારે તેની પાસે રાજસ્થાનના બેટ્સમેનોને રોકવાનો મોટો પડકાર હશે. રાજસ્થાનનો ટોપ ઓર્ડર જબરદસ્ત ફોર્મમાં છે. ખાસ કરીને જોસ બટલરે છેલ્લી મેચમાં મુંબઈની જોરદાર બોલિંગ સામે સિઝનની પ્રથમ સદી ફટકારી હતી.
RCB માટે ચિંતાની વાત એ છે કે છેલ્લી મેચમાં KKR સામે ટીમનો ટોપ ઓર્ડર બરબાદ થઈ ગયો હતો. પ્રથમ મેચમાં શાનદાર બેટિંગ કરનાર ફાફ બીજી મેચમાં માત્ર 5 રન જ બનાવી શક્યો હતો, જ્યારે કોહલીના બેટમાં પણ રન નહોતા આવ્યા.
ટીમ પાસે આરસીબીની ઓપનિંગ જોડી – અનુજ રાવત અને ફાફના રૂપમાં ઓપનિંગ વિકલ્પ છે, જે છેલ્લી મેચમાં રમી ન હતી. સારી શરૂઆત કરાવવાની જવાબદારી કેપ્ટનના ખભા પર હશે જેમ કે તેણે પહેલી મેચમાં કરી હતી જ્યારે અનુજ સામે પણ પોતાની પસંદગીને યોગ્ય સાબિત કરવાનો પડકાર હશે.
RCBનો મિડલ ઓર્ડર- મિડલ ઓર્ડરની વાત કરીએ તો વિરાટ કોહલી ટીમ સાથે હાજર છે. તેમના સિવાય ડેવિડ વિલી, શેરફેન રધરફોર્ડ અને શાહબાઝ અહેમદ છે. છેલ્લી મેચમાં અહેમદે પોતાની બેટિંગથી પ્રભાવિત કર્યા હતા. ફિનિશર તરીકે દિનેશ કાર્તિક સારું કામ કરી રહ્યો છે. ટીમ હસરંગા પાસેથી પણ બેટિંગમાં યોગદાનની અપેક્ષા રાખશે.
રોયલ ચેલેન્જર્સ બેંગ્લોરની સંભવિત પ્લેઈંગ ઈલેવન:
ફાફ ડુ પ્લેસિસ (c), અનુજ રાવત, વિરાટ કોહલી, દિનેશ કાર્તિક (wk), શેરફેન રધરફોર્ડ, શાહબાઝ અહેમદ, વાનિન્દુ હસરંગા, ડેવિડ વિલી, હર્ષલ પટેલ, આકાશદીપ, મોહમ્મદ સિરાજ