રોયલ ચેલેન્જર્સ બેંગ્લોરના સ્ટાર ખેલાડી વિરાટ કોહલીએ IPL 2023ની 15મી મેચમાં લખનઉ સુપર જાયન્ટ્સ સામે અડધી સદી ફટકારીને ઈતિહાસ રચી દીધો છે. તે IPLના ઈતિહાસમાં સૌથી વધુ ટીમો સામે 50થી વધુ રન બનાવનાર પ્રથમ ખેલાડી બની ગયો છે.
કોહલીએ હવે IPLમાં કુલ 13 ટીમો સામે અડધી સદી ફટકારી છે. તેણે આ મામલે ડેવિડ વોર્નર, ગૌતમ ગંભીર અને શિખર ધવન જેવા ખેલાડીઓને હરાવ્યા છે. તમને જણાવી દઈએ કે, કોહલીએ IPL 2023ની વર્તમાન 9 ટીમો સામે અડધી સદી ફટકારી છે.
વિરાટ કોહલીએ લખનૌ સુપર જાયન્ટ્સ સામે 35 બોલમાં પોતાની અર્ધશતક પૂરી કરી. એલએસજી સામે આ તેની પ્રથમ અર્ધસદી હતી. આ સાથે તે IPLમાં 13 ટીમો સામે અડધી સદી ફટકારનાર પ્રથમ બેટ્સમેન બની ગયો છે. આ યાદીમાં વોર્નર, ગંભીર અને ધવન 12-12 ટીમો સામે અડધી સદી ફટકારીને પાછળ છે.
IPLમાં સૌથી વધુ ટીમો સામે અડધી સદી ફટકારનાર ખેલાડીઓ-
વિરાટ કોહલી – 13
ડેવિડ વોર્નર – 12
ગૌતમ ગંભીર – 12
શિખર ધવન – 12