ભારત અને ઈંગ્લેન્ડ વચ્ચે ધર્મશાલામાં રમાયેલી પાંચમી અને અંતિમ ટેસ્ટ મેચ દરમિયાન ભારતીય ક્રિકેટ કંટ્રોલ બોર્ડ અને ઈંગ્લેન્ડ એન્ડ વેલ્સ ક્રિકેટ બોર્ડના અધિકારીઓ વચ્ચે ખેલાડીઓની ઉપલબ્ધતા અંગે વાતચીત થઈ હતી.
ટેસ્ટ ક્રિકેટમાં નિયમિતપણે રમતા કેપ્ટન બેન સ્ટોક્સ, જો રૂટ અને માર્ક વૂડ પહેલા જ સ્પષ્ટ કરી ચૂક્યા છે કે તેઓ IPLમાં રમવા માટે ઉપલબ્ધ રહેશે નહીં.
IPL સૂત્રોએ જણાવ્યું હતું કે, “પંજાબ કિંગ્સના બેટ્સમેન બેરસ્ટો 18 કે 19 માર્ચે ભારત પહોંચશે અને 23 માર્ચે દિલ્હી કેપિટલ્સ સામેની ટીમની પ્રથમ મેચ માટે ઉપલબ્ધ રહેશે.”
આ દરમિયાન પંજાબ કિંગ્સના ક્રિકેટ ડિરેક્ટર તરીકે નિયુક્ત થયેલા સંજય બાંગર પણ ટીમના બેટિંગ કોચની ભૂમિકા નિભાવશે. આ રીતે પંજાબ કિંગ્સે ગત સિઝનમાં ટીમના બેટિંગ કોચ રહેલા વસીમ જાફર સાથેના સંબંધો તોડી નાખ્યા છે.