રાજસ્થાન રોયલ્સના ઓપનર જોસ બટલરે RCB સામે ક્વોલિફાયર 2માં શાનદાર ઇનિંગ રમી અને પોતાની ટીમને ફાઇનલમાં લઈ જવા માટે અણનમ સદી ફટકારી.
જોસ બટલરની IPL 2022ની આ ચોથી સદી હતી, જ્યારે તે તેની IPL ક્રિકેટ કારકિર્દીની પાંચમી સદી હતી.
જોસ બટલરે આરસીબી સામે 59 બોલમાં 5 છગ્ગા અને 10 ચોગ્ગાની મદદથી સદી પૂરી કરી હતી. જોસ બટલરે 60 બોલમાં 6 છગ્ગા અને 10 ચોગ્ગાની મદદથી અણનમ 106 રન બનાવ્યા અને તેનો સ્ટ્રાઈક રેટ 176.67 રહ્યો. બટલરે પોતાની ઇનિંગ્સના આધારે રાજસ્થાનને આરસીબી પર આસાન વિજય અપાવ્યો હતો અને ટીમને ફાઇનલમાં પહોંચાડી હતી.
જોસ બટલરે IPLની આ સિઝનમાં ચાર સદી ફટકારી અને તેણે વિરાટ કોહલીની બરાબરી કરી. આ પહેલા વિરાટ કોહલીએ વર્ષ 2016માં ચાર સદી ફટકારી હતી. આ સાથે બટલરે કોહલીના વધુ એક રેકોર્ડની બરાબરી કરી છે. આ લીગમાં બટલરની આ પાંચમી સદી હતી, જ્યારે કોહલીએ પણ આઈપીએલમાં અત્યાર સુધીમાં 5 સદી ફટકારી છે. IPLમાં સૌથી વધુ સદીનો રેકોર્ડ ક્રિસ ગેલના નામે છે, જેણે 6 સદી ફટકારી છે.
જોસ બટલર IPL 2022માં સૌથી વધુ રન બનાવનાર ખેલાડી છે. તેણે અત્યાર સુધી રમાયેલી 16 મેચોમાં 58.85ની એવરેજથી 824 રન બનાવ્યા છે અને તેનો સ્ટ્રાઈક રેટ 151.47 છે. બટલરે આ સિઝનમાં અત્યાર સુધીમાં ચાર સદી અને ચાર અડધી સદી ફટકારી છે. તે જ સમયે, તેણે આ મેચોમાં 78 ચોગ્ગા અને 45 છગ્ગા ફટકાર્યા છે, જ્યારે તેનો શ્રેષ્ઠ સ્કોર 116 રન છે. ડેવિડ વોર્નર અને વિરાટ કોહલી પછી જોસ બટલર IPLની એક સિઝનમાં 800 રન બનાવનાર ત્રીજો બેટ્સમેન બન્યો.