શ્રીલંકન ક્રિકેટ ટીમના પૂર્વ ફાસ્ટ બોલર લસિથ મલિંગાએ IPL 2022માં પુનરાગમન કર્યું છે.
જોકે, આ વખતે તે રાજસ્થાન રોયલ્સ સાથે આ લીગમાં ખેલાડી તરીકે નહીં પરંતુ ફાસ્ટ બોલિંગ કોચ તરીકે જોડાયેલો છે. રાજસ્થાન રોયલ્સે મલિંગાને ટીમના બોલિંગ કોચ તરીકે નિયુક્ત કર્યા છે. લસિથ મલિંગા વર્ષ 2019 થી આઈપીએલમાં રમ્યો નથી, પરંતુ તેમ છતાં તે આ લીગનો અત્યાર સુધીનો સૌથી સફળ બોલર છે. હવે આ સિઝનમાં તે રાજસ્થાનના બોલરોને બોલિંગ કેવી રીતે કરવી તે શીખવતો જોવા મળશે.
લસિથ મલિંગાએ 2009ના IPLમાં તેની કારકિર્દીની શરૂઆત કરી અને 2019 સુધી આ લીગમાં રમવાનું ચાલુ રાખ્યું. જોકે, આ દરમિયાન તે 2016ની સિઝનમાં રમ્યો નહોતો. IPLમાં રમાયેલી 9 સિઝનમાં તેણે કુલ 122 મેચ રમી અને આ સમયગાળા દરમિયાન કુલ 170 વિકેટો લીધી. IPLમાં સૌથી વધુ વિકેટ લેવાના મામલે મલિંગા હજુ પણ નંબર વન પર છે. આ દરમિયાન તેનું સર્વશ્રેષ્ઠ પ્રદર્શન 13 રનમાં 5 વિકેટ હતું અને તેણે એક મેચમાં એક વખત 5 વિકેટ લેવાનું અદ્ભુત પ્રદર્શન કર્યું હતું જ્યારે 6 વખત 4 વિકેટ લીધી હતી.
IPL 2022 માટે રાજસ્થાનની ટીમ:
રાજસ્થાન રોયલ્સના બેટ્સમેન- સંજુ સેમસન, જોસ બટલર, યશસ્વી જયસ્વાલ, ધ્રુવ જુરેલ, કરુણ નાયર, રાસી વાન ડેર દુસાન, શિમરન હેટમાયર અને દેવદત્ત પડિકલ.
રાજસ્થાન રોયલ્સ ઓલરાઉન્ડર- ડેરેલ મિશેલ, અરુણય સિંહ, રિયાન પરાગ, શુભમ ગઢવાલ, રવિચંદ્રન અશ્વિન, જેમ્સ નીશમ.
રાજસ્થાન રોયલ્સ બોલર્સ- કુલદીપ સેન, નવદીપ સૈની, ટ્રેન્ટ બોલ્ટ, નાથન કુલ્ટર-નાઈલ, ઓબેદ મેકકે, પ્રણભવ કૃષ્ણા, કેસી કરિયપ્પા, તેજસ બરોકા, યુઝવેન્દ્ર ચહલ અને કુલદીપ યાદવ.