ઈંગ્લેન્ડના ટેસ્ટ કેપ્ટન બેન સ્ટોક્સે આઈપીએલ 2025 માટે મેગા ઓક્શનમાં ભાગ ન લઈને કરોડો રૂપિયા ઠુકરાવ્યા હતા. હવે નવા નિયમો અનુસાર, તે આગામી બે વર્ષમાં યોજાનારી કોઈપણ મીની હરાજીમાં ભાગ લઈ શકશે નહીં. મોટા પગલા પછી, ઓલરાઉન્ડરે કહ્યું કે તેણે તેની આંતરરાષ્ટ્રીય કારકિર્દીને આગળ વધારવા અને એશિઝ જેવી મહત્વપૂર્ણ ઇવેન્ટ્સ પર ધ્યાન કેન્દ્રિત કરવાનું નક્કી કર્યું.
બેન સ્ટોક્સ ભવિષ્યમાં આઈપીએલની મિની ઓક્શનમાં ભાગ લઈ શકશે નહીં કારણ કે આ લીગના નવા નિયમો અનુસાર, જે ખેલાડીએ મેગા ઓક્શન માટે પોતાનું રજિસ્ટ્રેશન કરાવ્યું નથી તે મિની ઓક્શનમાં ભાગ લઈ શકશે નહીં. હાલમાં જ સાઉદી અરેબિયાના જેદ્દાહમાં યોજાયેલી હરાજીમાં ઈંગ્લેન્ડના કુલ 52 ખેલાડીઓની બોલી લગાવવામાં આવી હતી.
બેને બીબીસીને કહ્યું, ‘એ કોઈ રહસ્ય નથી કે હું મારી કારકિર્દીના અંતિમ તબક્કામાં છું. મેં શું હાંસલ કર્યું છે અને શક્ય હોય ત્યાં સુધી મારી કારકિર્દીને આગળ વધારવા માટે મારે શું કરવાની જરૂર છે તેના પર વિચાર કરવાનો આ સમય છે. હજુ ઘણું ક્રિકેટ બાકી છે. હું બને ત્યાં સુધી ઇંગ્લેન્ડ માટે રમવા માંગુ છું.
33 વર્ષીય બેન સ્ટોક્સ આઈપીએલમાં ચેન્નાઈ સુપર કિંગ્સ, રાજસ્થાન રોયલ્સ અને રાઈઝિંગ પુણે સુપરજાયન્ટ તરફથી રમી ચૂક્યો છે. IPLમાં બેન સ્ટોક્સના નામે 43 મેચોમાં બે સદી અને બે અડધી સદીની મદદથી 920 રન છે. 107 રન ટૂર્નામેન્ટમાં તેનો સર્વશ્રેષ્ઠ સ્કોર છે. બોલિંગમાં તેને 28 વિકેટ મળી છે. 2018માં તેના શ્રેષ્ઠ બોલિંગ આંકડા 15/3 છે.