IPLની 16મી મેચમાં લખનૌ સુપર જાયન્ટ્સે મુંબઈ ઈન્ડિયન્સને 12 રને હરાવ્યું. આ મેચમાં પ્રથમ બેટિંગ કરતા લખનૌએ 20 ઓવરમાં 203 રન બનાવ્યા. જેના જવાબમાં મુંબઈની ટીમ ફક્ત 191 રન જ બનાવી શકી.
આ મેચની છેલ્લી ઓવરમાં, જ્યારે મેચ નિર્ણાયક તબક્કામાં હતી, ત્યારે મુંબઈ ઈન્ડિયન્સ દ્વારા એક વિચિત્ર નિર્ણય લેવામાં આવ્યો. મુંબઈ માટે ધીમી ઇનિંગ્સ રમી રહેલા તિલક વર્માને ડગઆઉટમાંથી નિવૃત્તિનો સંદેશ મળ્યો. મુંબઈના આ નિર્ણયથી ઘણા ખેલાડીઓ ખૂબ જ ચોંકી ગયા હતા. મેચ પછી, મુંબઈના કેપ્ટન હાર્દિક પંડ્યાએ જણાવ્યું કે તિલક સાથે આવું કેમ કરવામાં આવ્યું.
જ્યારે ટીમને જીત માટે સાત બોલમાં 24 રનની જરૂર હતી ત્યારે મુંબઈએ તિલક વર્માને રિટાયર કરવાનો નિર્ણય લીધો. તિલક મોટા શોટ રમવા માટે સંઘર્ષ કરી રહ્યો હતો. તેણે 23 બોલમાં 25 રન બનાવ્યા. આ વિશે પૂછવામાં આવતા હાર્દિકે કહ્યું, “અમને કેટલાક મોટા શોટની જરૂર હતી, પરંતુ તે કરી શક્યો નહીં. ક્રિકેટમાં કેટલાક દિવસો એવા આવે છે જ્યારે તમે પ્રયાસ કરો છો પણ તે સફળ થતો નથી. ફક્ત સારું ક્રિકેટ રમો, મને તે સરળ રાખવાનું ગમે છે.”
લખનૌ સુપરજાયન્ટ્સ સામે IPL મેચમાં 12 રનથી હારનો સામનો કર્યા બાદ, મુંબઈ ઈન્ડિયન્સના કેપ્ટન હાર્દિક પંડ્યાએ શુક્રવારે કહ્યું કે તેમની ટીમે બોલિંગ કરતી વખતે 10-12 રન વધારાના ગુમાવ્યા હતા.
હાર્દિકે આ મેચમાં 36 રન આપીને પાંચ વિકેટ લીધી હતી. તેણે ટી20 ક્રિકેટમાં પહેલીવાર પાંચ વિકેટ લીધી છે. તેણે કહ્યું, “મને હંમેશા મારી બોલિંગનો આનંદ આવ્યો છે. મારી પાસે ઘણા બધા વિકલ્પો નથી, પરંતુ હું વિકેટનું મૂલ્યાંકન કર્યા પછી સમજદારીપૂર્વક મારા વિકલ્પો પસંદ કરું છું.”
🚨 A RARE SCENE IN CRICKET. 🚨
– Tilak Varma who came in as an impact player, retired out before the final over. 🤯 pic.twitter.com/oqg6JwRNiV
— Mufaddal Vohra (@mufaddal_vohra) April 4, 2025