બાંગ્લાદેશી ક્રિકેટર મુસ્તાફિઝુર રહેમાને ચેન્નાઈ સુપર કિંગ્સના પૂર્વ કેપ્ટન મહેન્દ્ર સિંહ ધોની માટે એક ઈમોશનલ પોસ્ટ લખી છે. તેણે પોતાની પોસ્ટમાં ધોનીના વખાણ કર્યા હતા. તેણે પોસ્ટમાં ધોની સાથેની એક તસવીર શેર કરી છે. તેણે લખ્યું કે દરેક વસ્તુ માટે માહી ભાઈનો આભાર. તમારા જેવા દિગ્ગજ ખેલાડી સાથે સમાન ડ્રેસિંગ રૂમ શેર કરવો એ મારા માટે ખાસ લાગણી હતી. હંમેશા મારામાં વિશ્વાસ રાખવા બદલ આભાર. તમારા અમૂલ્ય સૂચનો યાદ રાખીશું અને ટૂંક સમયમાં ફરી મળીશું.
તમને જણાવી દઈએ કે ઈન્ડિયન પ્રીમિયર લીગની ડિફેન્ડિંગ ચેમ્પિયન ચેન્નઈ સુપર કિંગ્સે 2024ની બાકીની સિઝનમાં બાંગ્લાદેશના સ્ટાર ફાસ્ટ બોલર મુસ્તાફિઝુર રહેમાનની સેવા વગર રહેવું પડશે. કારણ કે રહેમાન આઈપીએલ સીઝન અધવચ્ચે છોડી દેશે અને રાષ્ટ્રીય ફરજો પૂર્ણ કરવા અને આગામી ટી20 માટે દેશ પરત ફર્યો છે.
Thanks for everything Mahi bhai. It was a special feeling to share the same dressing room with a legend like you. Thanks for keeping faith in me everytime. Appreciating your valuable tips, I will remember those things.
Looking forward to meeting and playing with you again soon. pic.twitter.com/xEN9TYY9x1
— Mustafizur Rahman (@Mustafiz90) May 3, 2024
ચેન્નાઈ તરફથી રમતા, મુસ્તાફિઝુરે કુલ નવ મેચ રમી અને 22.71ની એવરેજ અને પ્રતિ ઓવર 9.26 રનની ઈકોનોમી સાથે કુલ 14 વિકેટ લીધી. ડાબોડી ફાસ્ટ બોલર રાષ્ટ્રીય ટીમ સાથે જોડાશે જ્યાં તે બાંગ્લાદેશની ઝિમ્બાબ્વે સામે ચાલી રહેલી T20 શ્રેણીનો ભાગ હશે.