RCBના નવા કેપ્ટન ફાફ ડુ પ્લેસિસે IPL 2022 ની પહેલી જ મેચમાં પંજાબ કિંગ્સ સામે પોતાની બેટિંગના દમ પર ઘણા રેકોર્ડ બનાવ્યા. ડુ પ્લેસિસે આ મેચમાં 57 બોલનો સામનો કર્યો હતો 7 સિક્સ અને 3 ફોરની મદદથી 88 રન બનાવ્યા હતા. આ ઇનિંગ્સ પછી, તે કેપ્ટન તરીકે RCB માટે ડેબ્યૂ મેચમાં અડધી સદી ફટકારનાર પ્રથમ ખેલાડી બન્યો. અગાઉ, વિરાટ કોહલી સહિત RCBના કોઈ કેપ્ટને પોતાની ડેબ્યૂ મેચમાં અડધી સદી ફટકારી ન હતી.
IPLની પ્રથમ ઇનિંગ્સમાં કેપ્ટન તરીકે સૌથી મોટી ઇનિંગ રમવાના મામલે ડુ પ્લેસિસ ચોથા નંબર પર આવ્યો હતો. તેણે કીરોન પોલાર્ડનો રેકોર્ડ તોડી તેને પાંચમા સ્થાને ધકેલી દીધો.
કેપ્ટન તરીકે પ્રથમ દાવમાં IPLનો સર્વોચ્ચ સ્કોર-
119 રન – સંજુ સેમસન
99 રન – મયંક અગ્રવાલ
93 રન – શ્રેયસ અય્યર
88 રન – ફાફ ડુ પ્લેસિસ
83 રન – કિરોન પોલાર્ડ
ડુ પ્લેસિસે પંજાબ સામે 88 રનની ઇનિંગના આધારે IPLમાં પોતાના 3000 રન પૂરા કર્યા. તેણે 94 ઇનિંગ્સમાં આ ત્રણ હજાર રન પૂરા કર્યા અને ડેવિડ વોર્નરની બરાબરી કરીને સંયુક્ત રીતે ત્રીજા નંબરે આવ્યો. IPLમાં સૌથી ઓછી ઇનિંગ્સમાં 3000 રન પૂરા કરવાનો રેકોર્ડ ક્રિસ ગેલના નામે છે, જેણે 75 ઇનિંગ્સમાં આ કારનામું કર્યું હતું, જ્યારે કેએલ રાહુલ બીજા નંબર પર છે.
IPLમાં સૌથી ટૂંકી ઇનિંગ્સમાં 3000 રન પૂરા કરનાર બેટ્સમેન:
75 ઇનિંગ્સ – ક્રિસ ગેલ
80 ઇનિંગ્સ – કેએલ રાહુલ
94 ઇનિંગ્સ – ફાફ ડુ પ્લેસિસ
94 ઇનિંગ્સ – ડેવિડ વોર્નર
103 ઇનિંગ્સ – સુરેશ રૈના
104 ઇનિંગ્સ – એબી ડી વિલિયર્સ
104 ઇનિંગ્સ – અજિંક્ય રહાણે