IPL 2024 22 માર્ચથી શરૂ થવા જઈ રહી છે. આ માટે ખેલાડીઓ પોતપોતાની ટીમના કેમ્પમાં પહોંચી ગયા છે. આ IPLની પ્રથમ મેચ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાશે.
આ વર્ષની હરાજીમાં કુલ 72 ખેલાડીઓને કોન્ટ્રાક્ટ મળ્યા છે. આ સિઝનમાં ઘણી ટીમોએ પોતાના કેપ્ટન બદલ્યા છે. આ વર્ષે ઘણા નવા કેપ્ટન ટીમનું નેતૃત્વ કરશે. આવો એક નજર કરીએ તમામ ટીમોના કેપ્ટનના પગાર અને કોણ છે સૌથી મોંઘો કેપ્ટન?
IPL 2024માં કેટલીક ટીમોએ પોતાના કેપ્ટન બદલ્યા છે. આમાં મુંબઈ ઈન્ડિયન્સનું નામ પણ સામેલ છે. મુંબઈની ટીમે હાર્દિક પંડ્યાને 15 કરોડમાં પોતાની ટીમમાં સામેલ કર્યો અને બાદમાં તેને ટીમનો કેપ્ટન બનાવ્યો.
IPL 2024માં ઘણા એવા કેપ્ટન હશે જે પહેલીવાર IPLમાં કેપ્ટનશિપ કરતા જોવા મળશે. પરંતુ તેનો પગાર અન્ય કેપ્ટન કરતા ઘણો વધારે છે. અમે વાત કરી રહ્યા છીએ પેટ કમિન્સ વિશે. આ વર્ષે પેટ કમિન્સ સનરાઇઝર્સ હૈદરાબાદની કેપ્ટનશીપ કરતો જોવા મળશે. કમિન્સ IPL 2024માં સૌથી વધુ કમાણી કરનાર કેપ્ટન છે. આ વર્ષની હરાજીમાં સનરાઇઝર્સ હૈદરાબાદે તેને 20.50 કરોડ રૂપિયામાં ખરીદ્યો હતો. તેણે આ મામલે તમામ કેપ્ટનોને પાછળ છોડી દીધા છે.
IPLમાં સૌથી વધુ કમાણી કરનાર કેપ્ટન:
1.પેટ કમિન્સ- 20.50 કરોડ (સનરાઇઝર્સ હૈદરાબાદ)
2. કેએલ રાહુલ – રૂ. 17 કરોડ (લખનૌ સુપરજાયન્ટ્સ)
3. ઋષભ પંત- રૂ. 16 કરોડ (દિલ્હી કેપિટલ્સ)
4. હાર્દિક પંડ્યા- 15 કરોડ (મુંબઈ ઈન્ડિયન્સ)
5. સંજુ સેમસન – રૂ. 14 કરોડ (રાજસ્થાન રોયલ્સ)
6. શ્રેયસ અય્યર- 12.25 કરોડ (KKR)
7. એમએસ ધોની- રૂ. 12 કરોડ (ચેન્નઈ સુપર કિંગ્સ)
8. શિખર ધવન- 08.25 કરોડ (પંજાબ કિંગ્સ)
9. ફાફ ડુ પ્લેસિસ- 07 કરોડ (RCB)
10.શુબમન ગિલ- રૂ. 7 કરોડ (ગુજરાત ટાઇટન્સ)