ઇન્ડિયન પ્રીમિયર લીગ 2021નો ભાગ -2 યુએઈમાં 19 સપ્ટેમ્બરથી યોજાશે. અગાઉ, દિલ્હી કેપિટલ્સ ફ્રેન્ચાઇઝીના એક અધિકારીએ સ્પષ્ટ કર્યું હતું કે આ સિઝનની બાકી મેચો માટે કેપ્ટનમાં કોઇ ફેરફાર કરવામાં આવશે નહીં. સ્પોર્ટસકીડાના જણાવ્યા મુજબ, રિષભ પંત દિલ્હી કેપિટલ્સનો કેપ્ટન તરીકે કામ ચાલુ રાખશે, જેના નેતૃત્વમાં આ ટીમે પહેલા ભાગમાં શાનદાર પ્રદર્શન કર્યું હતું અને આઈપીએલ મુલતવી રાખવામાં આવી ત્યારે આ ટીમ પોઈન્ટ ટેબલમાં પ્રથમ ક્રમે હતી.
જોકે, દિલ્હી કેપિટલ્સના નિયમિત કેપ્ટન શ્રેયસ અય્યરે ઈજામાંથી પુનરાગમન કર્યું છે અને યુએઈમાં ટીમ સાથે હાજર છે. શ્રેયસ ટીમનો ભાગ રહેશે, પરંતુ ટીમની કપ્તાની રિષભ પંતના હાથમાં રહેશે.
શ્રેયસની કેપ્ટનશીપ હેઠળ દિલ્હીની ટીમે IPL 2020 માં ફાઈનલમાં સ્થાન મેળવ્યું હતું, જ્યાં તેને મુંબઈના હાથે હારનો સામનો કરવો પડ્યો હતો. તે જ સમયે, આઈપીએલ 2021 પહેલા, તે ખભાની ઈજાને કારણે રમતથી દૂર હતો. તેણે સર્જરી કરાવી અને લાંબા સમય સુધી મેદાનની બહાર રહેવું પડ્યું.
દિલ્હી કેપિટલ્સ ફ્રેન્ચાઇઝના અધિકારીએ કહ્યું કે, અમારા માટે સારા સમાચાર છે કે શ્રેયસ અય્યર પાછા આવ્યા છે અને તે કાર્યવાહી માટે તૈયાર છે. જોકે ડીસી મેનેજમેન્ટ તેને સાજા થવા માટે થોડો વધુ સમય આપવા માંગે છે, આ કારણે રિષભ પંત ટીમના કેપ્ટન રહેશે, પરંતુ તે માત્ર આઈપીએલ 2021 માટે ટીમની કેપ્ટનશિપ કરશે.