ભૂતપૂર્વ ભારતીય ક્રિકેટર રવિચંદ્રન અશ્વિને આગામી ઇન્ડિયન પ્રીમિયર લીગ (IPL) 2026 સીઝન માટે ચેન્નાઈ સુપર કિંગ્સની પ્લેઇંગ ઇલેવન પસંદ કરી છે. નોંધનીય છે કે આ દિગ્ગજ ક્રિકેટરે અનુભવી વિકેટકીપર-બેટ્સમેન સંજુ સેમસનને CSK માટે નવા ઓપનર તરીકે પસંદ કર્યા છે.
ચેન્નાઈ સુપર કિંગ્સના સત્તાવાર એકાઉન્ટ પરથી એક ટ્વિટ શેર કરવામાં આવ્યું હતું જેમાં ચાહકોને પૂછવામાં આવ્યું હતું કે IPL 2026 માટે CSKની પ્લેઇંગ ઇલેવન શું હોવી જોઈએ. ભૂતપૂર્વ CSK ક્રિકેટર રવિચંદ્રન અશ્વિને આ પ્રશ્નનો જવાબ આપ્યો અને 2026 માટે તેમની પસંદગીની CSK પ્લેઇંગ ઇલેવન જાહેર કરી.
સૌપ્રથમ આગામી IPL સીઝન માટે CSKની નવી ઓપનિંગ જોડી પસંદ કરી, આ જવાબદારી 18 વર્ષીય આયુષ મ્હાત્રે સાથે અનુભવી વિકેટકીપર-બેટ્સમેન સંજુ સેમસનને સોંપી.
સીએસકેના પ્રભાવશાળી ખેલાડીઓની પસંદગી કરતી વખતે, અશ્વિને ઘણા ખેલાડીઓના નામ આપ્યા જે તેમના મતે પ્લેઇંગ ઇલેવન અને મેચની પરિસ્થિતિના સંયોજનના આધારે ઉપયોગમાં લઈ શકાય છે. તેમાંથી અંશુલ કંબોજ, કાર્તિક શર્મા, શ્રેયસ ગોપાલ અને સરફરાઝ ખાન જેવા ખેલાડીઓનું નામ આપ્યું.
રવિચંદ્રન અશ્વિનની પ્લેઈંગ ઈલેવન:
આયુષ મ્હાત્રે, સંજુ સેમસન, રુતુરાજ ગાયકવાડ, શિવમ દુબે, દેવાલ્ડ બ્રેવિસ, પ્રશાંત વીર, મહેન્દ્ર સિંહ ધોની, અકેલ હુસૈન/મેટ હેનરી, ખલીલ અહેમદ, નાથન એલિસ, નૂર અહેમદ.
ઈમ્પેક્ટ પ્લેયર્સ: અંશુલ કંબોજ/કાર્તિક શર્મા/શ્રેયસ ગોપાલ/સરફરાઝ ખાન.