શિખર ધવનની આગેવાની હેઠળની પંજાબ કિંગ્સ IPLની 14મી મેચમાં સનરાઈઝર્સ હૈદરાબાદ સામે ટકરાશે. પંજાબ કિંગ્સ અને સનરાઇઝર્સ હૈદરાબાદ વચ્ચેની આ મેચ હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાશે.
ધવનની કપ્તાનીમાં પંજાબ કિંગ્સની ટીમે IPL 2023ની પોતાની પ્રથમ બે મેચ જીતી લીધી છે, જ્યારે સનરાઈઝર્સ હૈદરાબાદને બંને મેચોમાં હારનો સામનો કરવો પડ્યો છે. ટીમ અત્યારે પોઈન્ટ ટેબલમાં છેલ્લા સ્થાને છે. પંજાબ કિંગ્સની ટીમ હૈદરાબાદને હરાવીને જીતની હેટ્રિક પૂરી કરીને ટેબલમાં ટોચ પર પહોંચવા ઈચ્છશે. તેજ સમયે દક્ષિણ આફ્રિકાનો ઝડપી બોલર કાગિસો રબાડા પણ આ મેચ માટે પસંદગી માટે ઉપલબ્ધ રહેશે, જે જો તે રમે છે તો IPLનો મોટો રેકોર્ડ બનાવી શકે છે.
IPL 2020માં ઓરેન્જ કેપ જીતનાર રબાડા ગયા વર્ષે પંજાબ માટે સૌથી વધુ વિકેટ લેનાર બોલર હતો. IPL 2023ની પોતાની પ્રથમ મેચમાં જ તે શ્રીલંકાના ભૂતપૂર્વ ફાસ્ટ બોલર લસિથ મલિંગાના રેકોર્ડને તોડતો જોવા મળશે. IPLમાં સૌથી વધુ વિકેટ લેનાર ત્રીજા ક્રમે રહેલા માલિગાએ 70 ઇનિંગ્સમાં 100 વિકેટ લીધી અને તે આવું કરનાર સૌથી ઝડપી બોલર બન્યો. રબાડાએ 63 ઇનિંગ્સમાં 99 વિકેટ ઝડપી છે. રવિવારે એક વિકેટ સાથે રબાડા IPLના ઈતિહાસમાં સૌથી ઝડપી 100 વિકેટ લેનારો બોલર બની જશે.