IPL 2025 ના પ્લેઓફ પહેલા રોયલ ચેલેન્જર્સ બેંગ્લોરે એક મોટો ફેરફાર કરવો પડ્યો છે. રોયલ ચેલેન્જર્સ બેંગ્લોર (RCB) ના ઇંગ્લિશ બેટ્સમેન જેકબ બેથેલ પ્લેઓફમાં ટીમનો ભાગ રહેશે નહીં. તે વેસ્ટ ઈન્ડિઝ સામે ઈંગ્લેન્ડની સફેદ બોલની શ્રેણીમાં રમશે.
બેંગલુરુએ તેના સ્થાને ન્યુઝીલેન્ડના ટિમ સીફર્ટનો સમાવેશ કર્યો છે. સિફર્ટની બદલી બેથેલ સાથે 24 મેથી અમલમાં આવશે. ન્યુઝીલેન્ડ માટે 66 ટી20 મેચોમાં 1540 રન બનાવનાર સીફર્ટે અગાઉ IPLમાં ફક્ત ત્રણ મેચ રમી છે અને છેલ્લે 2022માં ટુર્નામેન્ટમાં ભાગ લીધો હતો. તે 2 કરોડ રૂપિયામાં RCB સાથે જોડાશે.
રોયલ ચેલેન્જર્સ બેંગ્લોર (RCB) એ ટિમ સીફર્ટ સાથે કરાર કર્યો છે કારણ કે જેકબ બેથેલ 23 મે 2025 ના રોજ સનરાઇઝર્સ હૈદરાબાદ સામે RCB ના લીગ સ્ટેજ મેચ પછી રાષ્ટ્રીય ટીમમાં જોડાવા માટે ટાટા ઇન્ડિયન પ્રીમિયર લીગ (IPL) 2025 થી 24 મે 2025 ના રોજ ઇંગ્લેન્ડ રવાના થશે.’ બેથલે આ વર્ષે બેંગલુરુ માટે બે મેચ રમી અને 67 રન બનાવ્યા. તેમનો સર્વોચ્ચ સ્કોર 55 રન હતો. 22 વર્ષીય ખેલાડીએ 171.79 ના સ્ટ્રાઇક રેટથી બેટિંગ કરી.
બેથેલનો RCB સાથેનો છેલ્લો મુકાબલો શુક્રવારે સનરાઇઝર્સ હૈદરાબાદ સામે રમાશે. તેનો છેલ્લો લીગ મેચ 27 મેના રોજ લખનૌ સુપર જાયન્ટ્સ સામે હશે. પંજાબ કિંગ્સ, ગુજરાત ટાઇટન્સ અને મુંબઈ ઇન્ડિયન્સ પ્લે-ઓફમાં સ્થાન મેળવનાર અન્ય ટીમો છે.
🚨 TIM SEIFERT REPLACE JACOB BETHELL FOR RCB IN IPL PLAYOFFS. 🚨 pic.twitter.com/ViMLsHVLeD
— Mufaddal Vohra (@mufaddal_vohra) May 22, 2025