IPL 2024માં રોયલ ચેલેન્જર્સ બેંગ્લોર ટીમની સફર હવે સમાપ્ત થઈ ગઈ છે, એલિમિનેટર મેચમાં રાજસ્થાન રોયલ્સ ટીમ સામે 4 વિકેટે હાર બાદ ટીમ ખિતાબની રેસમાંથી બહાર થઈ ગઈ છે.
હવે ચાહકોમાં એવી ચર્ચા વધી રહી છે કે રોયલ ચેલેન્જર્સ બેંગલુરુ ટીમ આવતા વર્ષે યોજાનારી મેગા હરાજી પહેલા કયા 4 ખેલાડીઓને જાળવી શકે છે. તમામ ચાહકો અને ક્રિકેટ નિષ્ણાતો પોતપોતાની આગાહી કરી રહ્યા છે.
રોયલ ચેલેન્જર્સ બેંગલુરુ ટીમનું IPL 2024માં ફરી એકવાર ટાઈટલ જીતવાનું સપનું ચકનાચૂર થઈ ગયું છે. આ સિઝનમાં આરસીબીની ટીમે ચમત્કારિક પ્રદર્શન કર્યું હતું અને આઈપીએલમાં સતત 6 મેચ જીતીને પ્લેઓફમાં જગ્યા બનાવી હતી, પરંતુ એલિમિનેટર મેચમાં રાજસ્થાને 4 વિકેટે જીત મેળવીને ટાઈટલ જીતવાનું આરસીબીનું સપનું તોડી નાખ્યું હતું. હવે ચાહકોમાં ચર્ચા શરૂ થઈ ગઈ છે કે IPL 2025માં યોજાનારી મેગા ઓક્શનમાં ટીમ પોતાની ટીમમાં કયા ખેલાડીઓને જાળવી શકે છે.
IPL 2025માં મેગા ઓક્શનનું આયોજન થવાનું છે, આવી સ્થિતિમાં તમામ ટીમો પોતાની ટીમમાં માત્ર 4 ખેલાડીઓને જ રિટેન કરી શકે છે. આ સ્થિતિમાં રોયલ ચેલેન્જર્સ બેંગલુરુની ટીમ કયા ખેલાડીઓને ટીમમાં જાળવી શકે છે?
વિરાટ કોહલી અને ઝડપી બોલર મોહમ્મદ સિરાજની સાથે, રોયલ ચેલેન્જર્સ બેંગલુરુની ટીમ ટીમ ઈન્ડિયાના યુવા બેટ્સમેન રજત પાટીદારને પણ જાળવી શકે છે, જેણે IPL 2024માં પોતાના બેટથી શાનદાર પ્રદર્શન કર્યું હતું. આરસીબીને ટોપ-4માં લઈ જવામાં તેણે મોટી ભૂમિકા ભજવી હતી, આ સિવાય ફેન્સ કહી રહ્યા છે કે ઈંગ્લેન્ડના વિલ જેક્સને પણ આઈપીએલ 2025 માટે ટીમમાં જાળવી રાખવામાં આવી શકે છે.