આંતરરાષ્ટ્રીય ક્રિકેટ હોય કે આઈપીએલ, તેનું પ્રદર્શન લાજવાબ છે…
ઈન્ડિયન પ્રીમિયર લીગ (આઈપીએલ) ની 13 મી સીઝનનું પૂર્ણ સમયપત્રક બહાર પાડવામાં આવ્યું છે. ચેન્નઈ સુપર કિંગ્સ અને મુંબઈ ઈન્ડિયન્સ વચ્ચેની મેચ સાથે ટૂર્નામેન્ટની શરૂઆત 19 સપ્ટેમ્બરના રોજ અબુધાબીમાં થશે. દિલ્હી કેપિટલ્સ 20 સપ્ટેમ્બરના રોજ દુબઇમાં કિંગ્સ ઇલેવન પંજાબ સામે ટુર્નામેન્ટની પ્રથમ મેચ રમશે. દિલ્હી કેપિટલ્સ 11 ઓક્ટોબરે મુંબઈ ઈન્ડિયન્સ સાથે પ્રથમ મેચ રમશે. આઈપીએલની શરૂઆત પહેલા દિલ્હી કેપિટલ્સના મુખ્ય કોચ રિકી પોન્ટિંગે મુંબઈ ઈન્ડિયન્સના કેપ્ટન રોહિત શર્માની પ્રશંસા કરી છે.
રિકી પોન્ટિંગે કેપ્ટન રોહિત શર્માને ડેન્જર મેન ગણાવ્યો છે. જ્યારે તેમને પૂછવામાં આવ્યું કે મુંબઈ ઈન્ડિયન્સનો સૌથી ખતરનાક બેટ્સમેન કોણ છે? તો તેણે આ સવાલનો જવાબ આપતા કહ્યું કે, રોહિત શર્મા આ સિઝનમાં મુંબઈ ઈન્ડિયન્સનો સૌથી ખતરનાક બેટ્સમેન છે. તે ટી 20 નો સૌથી ખતરનાક બેટ્સમેન છે. આંતરરાષ્ટ્રીય ક્રિકેટ હોય કે આઈપીએલ, તેનું પ્રદર્શન લાજવાબ છે.
જણાવી દઈએ કે 2013 માં મુંબઇની કેપ્ટનશીપ સંભાળ્યા બાદ ટીમે ચાર આઈપીએલ ટાઇટલ જીત્યા છે. આઈપીએલની શ્રેષ્ઠ ટીમ બનાવવામાં રોહિત શર્માની મહત્વની ભૂમિકા છે. પોન્ટિંગે કહ્યું, રોહિત તેની કારકિર્દીના સૌથી તેજસ્વી તબક્કામાંથી પસાર થઈ રહ્યો છે. તેને પાછળ છોડી દેવાનું સરળ રહેશે નહીં. ”અગાઉ, રોહિતે મુંબઈના કોચ તરીકે રિકી પોન્ટિંગની પ્રશંસા પણ કરી હતી. બીજી તરફ, પાકિસ્તાનના દિગ્ગજ ખેલાડી ઝહીર અબ્બાસે પણ રોહિતને ક્લાસિક ખેલાડી ગણાવ્યો હતો.