ચેન્નાઈ સુપર કિંગ્સના ઓપનર રતુરાજ ગાયકવાડે શુક્રવારે દુબઈ ઈન્ટરનેશનલ સ્ટેડિયમમાં KKR સામે ફાફ ડુ પ્લેસિસ સાથે શાનદાર શરૂઆત કરી હતી. બંને વચ્ચે અર્ધી સદીની ભાગીદારી પ્રથમ વિકેટ માટે 37 બોલમાં પૂરી થઈ હતી.
નવમી ઓવરના પહેલા બોલ પર સુનીલ નારાયણે રૂતુરાજ ગાયકવાડને લોંગ ઓફ પર શિવમ માવીને કેચ આપીને પેવેલિયન પરત મોકલ્યો હતો. ગાયકવાડે 27 બોલમાં 32 રન બનાવ્યા હતા. આ જ ઇનિંગ્સ દરમિયાન, ગાયકવાડે 24 રનનો આંકડો પાર કરતાની સાથે જ કેએલ રાહુલને પછાડીને આઈપીએલ 2021માં સૌથી વધુ રન બનાવનાર ખેલાડી બન્યા. આ પછી, ફાફ ડુપ્સ્લેએ કેએલ રાહુલને પણ પાછળ છોડી દીધો પરંતુ તે ઇનિંગના છેલ્લા બોલમાં 86 રન બનાવીને આઉટ થયો હતો. ડુ પ્લેસિસે 16 મેચમાં 433 રન બનાવ્યા હતા.
રૂતુરાજ ગાયકવાડ IPLમાં ઓરેન્જ કેપ જીતનાર સૌથી યુવા ખેલાડી છે. તેણે આઈપીએલ કારકિર્દીની 22મી મેચ રમીને 24 વર્ષ 257 દિવસની ઉંમરે આ સિદ્ધિ મેળવી છે. ગાયકવાડે IPL 2021માં 16 મેચની 16 ઇનિંગ્સમાં 45.35ની સરેરાશ અને 136.26ની સ્ટ્રાઇક રેટ સાથે 635 રન બનાવ્યા છે. આ દરમિયાન તેના બેટે 4 અડધી સદી અને 1 સદી ફટકારી છે. તેનો સર્વોચ્ચ સ્કોર 101* અણનમ હતો.